獎門人｜高海寧著白Tee玩呼拉圈震撼眼球！黎諾懿嘆到反眼？經典場面仲有…
廣告
高Ling（高海寧）日前上《開心無敵獎門人》大玩「人肉呼拉圈」遊戲，被拍檔黎諾懿左拋右拋，場面非常吸睛！其實之前朱晨麗和Jumbo（曾淑雅）都有玩過這個遊戲，不過拍檔係阿Bob，兩女要自轉，表情都變得十分趣怪！不過講到大家印象最深刻的「呼拉圈」場面，就要數到張慧儀著比堅尼被狂轉的一幕！
《獎門人》高Ling著白Tee玩呼拉圈
「開心無敵呼拉圈」要由女藝人用雙腿夾住男藝人身體，在不落地情況下看看可以轉到多少個圈，過去這個遊戲曾有過不少女藝人走光場面，更因此惹來投訴，不過新一輯《開心無敵獎門人》中，一眾女藝人衣著相對密實，最多好似高Ling一樣著白Tee上陣，突顯出玲瓏浮凸的身形！
Jumbo生擒人夫Bob
早前就由「四孩之父」Bob（林盛斌）同Jumbo（曾淑雅）及朱晨麗輪流玩「人肉呼拉圈」，一開波Bob已經展現出「體能零分」一面，將Jumbo拋落地，之後出盡奶力都係無咩進展，搞到佢乸埋口面，Jumbo決定改變策略，生擒人夫喺佢身上瘋狂爬圈圈，令到最尾Bob笑哂口話：「呢個遊戲都幾好玩喎！」
之後朱晨麗接力與Bob上演「示範賽」，在Bob身上自行用力兜圈，但爬到一仆一碌，搞到Bob黑人問號。
另一邊廂因抱B練出好腰力好臂力的陳山聰，以近乎「光速」狂揈何依婷，被任由擺布的依婷嚇到全程奪命狂呼。
張慧儀著比堅尼胸壓錢嘉樂
2008年曾志偉帶隊到馬來西亞拍攝《鐵甲無敵獎門人》水著版，張慧儀、楊秀惠、楊思琦和呂慧儀等女藝人奉旨要以三點式上陣任摸，張慧儀拍檔錢嘉樂玩「人肉呼拉圈」時，只怕跌而無懼走光，雙腿死挾錢嘉樂，一上背，張慧儀胸部已被錢嘉樂背肌擠到上喉嚨。
楊思琦呂慧儀靚股任摸
楊思琦玩「人肉呼拉圈」時亦搏到盡，當日佢著住緊身T-shirt，同當奴、阿占玩「人肉呼拉圈」時，完全豁出去，多次胸壓兩人，又任由對方「抽股」！長腳蟹呂慧儀在馬來西亞玩「人肉呼拉圈」時，亦有被摸籮！
大家都玩得好落力！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
