牛年娛圈運程│玄學家吳佩孚預測陳煒有嫁期 馬國明湯洛雯有結合意思 洪永城娶旺夫梁諾妍

撰文：東方新地 圖片：新傳媒圖片、東星圖片、洪永城IG圖片、湯洛雯IG圖片

1.陳煒犯太歲結婚可沖喜

煒哥陳煒與醫生男友陳國強（Aldous Chan）拍拖後如沐春風，一開始已不排除會閃婚，更迅速同居試婚，早前47歲陳煒被拍得到跑馬地睇新樓盤，有指為婚事築愛巢作準備，不過陳煒否認好事近，笑指跟醫生男友對結婚已有共識。玄學家吳佩孚說：「煒哥屬牛，本命年犯太歲，不過佢本身八字唔錯，如果有喜事沖喜一下，就可以化解沖太歲。煒哥本身條命屬金，金入墓庫意思係收藏、有著落，所以煒哥今年姻緣係絕對唔錯。」

2.馬明湯洛雯夫妻宮最夾

至於去年公開拍拖後愈戀愈高調的馬國明與湯洛雯，玄學家吳佩孚指二人是絕配：「馬明同湯洛雯佢哋嘅夫妻宮超級夾，今年2021年仲有一種結合嘅意思，有機會突然宣佈結婚。」

3.洪永城有個旺夫女友

洪永城與運動健將女友梁諾妍(Inez)拍拖後，成個人修心養性，仲公開認定女友是結婚對象，經常被友人催婚，而洪永城就揚言有好消息就會跟大家分享。吳佩孚亦非常睇好這一對，他說：「梁諾妍今年嘅八字係財生官嘅！即係旺夫適合結婚嘅流年，佢仲非常旺洪永城，呢一對拉埋機會都非常之大！」