網民投選10大最無觀眾緣藝人 TVB、ViuTV藝人齊上榜 第一名最意外
最無觀眾緣藝人10.衛志豪
十大當中竟然沒有大熱人選陸浩明、梁競徽、肥媽等，網民指比較之下，跟陸浩明一樣由有線過檔無綫的衛志豪，更加無觀眾緣，「有線年代已經唔鍾意佢，無料都過到TVB」、「佢個樣同把聲係擦鞋仔格」、「佢做壞人都嫌棄，直程唔想見到佢」、「啲人成日將佢同陸浩明歸埋不受歡迎之列，其實呢條友乞人憎好多」。
9.冼靖峰
網民指撇除冼靖峰的「沙士死剩種」言論，直指佢好唔得觀眾歡心，「純講睇樣梗係死淨種啦，IG成日派佢畀我，佢對鬥雞眼真係趕客」、「似細路扮大人，唱情歌，好尷尬」、「最怕佢以為自己好靚仔，其實好唔討好」。
8.胡杏兒
胡杏兒由無綫當家花旦，北上發展後，頻頻拍內地綜藝節目有一定江湖地位，甚受內地觀眾歡迎，不過香港觀眾對佢印象始終麻麻，「由佢初出道到依家都唔想見到佢」、「佢冏同唔冏都睇佢唔順眼」、「唔講演技唔講佢做嘅嘢都已經唔鍾意佢，加上佢真係無演技」、「好在佢北上，少咗機會見佢咋」
7.湯令山Gareth T
音樂人兼歌手湯令山也榜上有名，網民指其外貌極不討好，「純粹講個樣，真係接受唔度佢做幕前，都係專心幕後算啦」、「唔理佢幾有才華，成隻忍者龜咁」、「佢唱歌咬字又唔正，個樣又seven」、「見啲人猛吹捧佢就頂唔順，佢真係樣衰喎」。
6.江嘉敏
江嘉敏近來減肥成功，但似乎對形象無甚幫助，仍未能挽回觀眾歡心，「早幾年喺電視見佢已經唔討好，後嚟肥咗又剪埋頭髮，一見佢就熄電視」、「佢算幾好戲，但真係無觀眾緣，睇個樣就知係搞事嗰啲人」、「個樣好乞人憎咁」、「反而佢死敵FYY（馮盈盈），只要佢唔出聲就唔討厭，但江嘉敏係唔講嘢都想叫佢走開」。
5.莊思敏
模特兒出身的莊思敏，早前在《一舞傾城》有大膽演出，成為熱話，但觀眾緣似乎與佢無關，「雖然佢有長腿又有身材，但都唔似女人，佢一剝衫就想叫佢著番件衫」、「成個八婆款」、「睇個樣似係講是非啲八婆，好似從無見佢青春少艾過，一嚟就係阿姑咁」。
4.何洛瑤Sica
《全民造星4》出身的Sica，經常被稱「跳制」，雖然有支持者，但亦有不少網民指「一聽佢把聲就要轉台」、「明明個人忽忽地，係要讚佢好跳脫佻皮個隻，個樣成個成型嘅Coffee咁」、「ViuTV成日見到佢，見親就轉台」、「有佢喺度得個嘈字，成日扮另類」。
3.岑珈其
無論電視、電影及YouTube Channel都見到岑珈其，估唔到原來不少網民心目中的無觀眾緣藝人都有佢份，「佢成日面青口唇白，又濕疹咀，唔知點拍戲」、「佢好似林子善，都係一樣無觀眾緣」、「在6膠當中唔想見到佢，但想睇幾他人迫住要睇埋佢咋」、「成日聲大大，維園阿叔咁款」、「聽到把聲都躁」。
2.張寶兒
新聞多多的袁偉豪無上榜，反而太太張寶兒有份，「以前最多鞋抽臉路人樣，近幾年整到對眼成個羅茲威爾咁」、「佢成日自high著到成身名牌影埋啲相好嚇人」、「佢唔好再close up對眼啦，唔知佢個人係點，但個樣真係好恐怖」、「電視見到佢，有講不出嘅奇怪，唔使加佢老公已經唔想見到佢」、「佢一笑就好肉酸」、「佢無觀眾緣過佢老公呀」。
1.李思捷
最無觀眾緣藝人由大熱李思捷勝出，「李屍捷個種乞人憎同自大係由內滲出嚟，你就咁睇相佢個pose都睇得出條友好老屎忽自大樣」、「佢個樣擺出嚟，就以為自己好叻好靚仔溝死女咁，但其實勁樣衰」、「個樣似刻薄二世祖」、「碌咗十幾年歌影視無嘢掂，佢做綜藝，睇唔過十秒要熄電視」等
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
