無制限探險隊｜咖喱黃雅慧食蚊未驚過 唯一女將一啖放入口勁過程人富

重現非洲當地美食傳說 Mike導炮製雙層芝士蚊堡

原來當地人會捕獲一種名叫搖蚊的昆蟲，牠們不是傳播細菌疾病的害蟲，每當特定時間會一窩蜂出現變成蚊子風暴，此時當地人就會捕捉製成傳統地道美食，多數出現於東部遙遠的部落。不過由於經費有限，剛好製作組住宿附近剛好有蚊子風暴，因此他們決定自己重現這道經典美食！他們拿出不同的捕獲工具，包括平底鑊、保鮮紙等等，在表面塗上牛油，以便蚊子黏在表面，不久大家即有收穫！

當中Rain P化身人體捕蚊器，在身體塗滿牛油後不斷狂奔，令不少蚊黏在他的身上，隨後其他製作組就使用工具刮除他身上的蚊子，其畫面非常嘔心，令火煒忍唔住嘔出嚟，不過這仍然未算是最嘔心的一幕，好戲在後頭！

「漢堡蚊扒」居然係港人熟悉的味道？

收集大量蚊子後加入不同的食材，成功變成「漢堡扒」，落鑊煎的時候，居然散發出大家熟悉的香味，此時咖哩驚覺：「係啲蝦嘅味道！」不過食入口又唔同玩法，Mike導率先上陣，品嚐過不同昆蟲的他，直言從來未試過這種味道，雖然大讚好食，但下1秒馬上作嘔！

程人富克服心理關口 食到作嘔兼眼濕濕

其次就到程人富上陣，儘管克服心理關口咬下去，但逗留在口中的觸感令他不斷想作嘔，不過他最後成功吞下去，製作組其他人都食埋一份，有人食到嘔！事實上，這一道傳統美食並不是所有當地人都會食用，雖然有受訪者表示非常好食，而且會散發出陣陣甜味，不過亦有當地人表示自己唔會食！而節目出街後，網民紛紛表示：「富哥險死記」、「呢集就真係做到衝擊電視尺度又好睇，有目標有畫面有嘔吐，最重要係有feel，核突到有feel，good job Mike」、「呢集真係好嘔心」、「第一次真係睇到想嘔」、「我淨係聽聲已經唔想睇」。

咖喱一啖擺入口獲網民大讚

節目唯一女將咖喱亦有試食蚊子料理，不過相比程人富的扭扭擰擰，直接一口放入口，獲網民大讚不愧是女中豪傑：「神情好自若」、「二話不說隊晒」、「仲笑班男人『like a baby girl』」、「咖喱係醫生，有咩大場面未見過」、「有啲料到」。亦有網民表示咖喱食的並非芝士「蚊」餅漢堡，只是含有少量蚊的煎蛋，不能與其他人相提並論。

子彈深陷Mike導肉體 軍醫咖哩上陣縫合傷口

早前Mike導親身上陣試「真人避彈衣試驗」，不過突然大叫一聲，並馬上舉手嗌停，此時他不斷在地面上彈跳不停，程人富震驚表示：「佢唔會扮嘢㗎！如果唔係真係痛 ，佢一定唔會嗌停，所以應該係超級痛！」一班製片人要求Mike導脫下避彈衣看看傷勢如何，此時才發現橡膠子彈已陷入Mike導的右胸下方，因此不得不叫白車！從影片中所見，Mike導的傷口被救護員拿走之後不斷流血，而作為隨行軍醫兼曾任職瑪麗醫院以及屯門醫院的咖哩，即時上陣幫手縫合傷口，大展其專業的一面。

無制限探險隊｜咖喱曬燶變「港版濱崎步」

不過有網民就不滿預告片得太少咖喱的鏡頭：「我要咖喱啲黃金畫面啊，點解你畀啲獅子既金蛋畫面我！」亦有網民擔心咖喱去完非洲會曬到燶，變成「黑咖喱」或者「港版濱崎步」，連咖喱在結束今次非洲之旅時，都搞笑形容自己：「返黎變咗黑漆漆圓滾滾！」