聲夢傳奇｜1號學員炎明熹 Gigi 原名姓王 15歲聲夢學員猛料背景起底

文：東方新地 圖：炎明熹IG、星格流行音樂學院FB

炎明熹 Gigi 原名姓王

有成熟唱腔的炎明熹只有15歲，據了解，在油塘區就讀女子中學的GiGi原名「GiGi Wang」王佳恩，熱衷唱歌，2018年開始曾在不同歌唱比賽奪獎，在參加聲夢之後才改名炎明熹，由於她是「星格流行音樂學院」的學員，過往有不少參賽及得獎的照片都可以在音樂學校面書中看到。年僅13歲的 Gigi Wang曾在《沙田超新聲歌唱大賽2018》決賽中勇奪少年組冠軍、「Singing Fighter 中學大專歌唱比賽」中學組團體冠軍、「觀塘區聯校歌唱比賽 ECHOES」季軍⋯⋯

自爆被校長召見 打頭陣獻唱王菲〈守望麥田〉

仍然在學的炎明熹，自從年初無綫宣傳片曝光後，參賽的消息已在校內廣受談論，幸好老師也表示支持，不過最近接受訪問時，GiGi自爆參加比賽之後曾被校長「親自召見」，原來不是訓斥、而是邀請她代表學校表演！受寵若驚的GiGi表示可惜校方表演當日要拍攝，所以未能成事。在首播的無綫《聲夢傳奇》第一回，15歲的炎明熹被安排打頭陣晒唱功，唱出王菲的〈守望麥田〉，短短一段晒巨肺功力！

網友評價：成個王苑芝咁

單眼皮加齊蔭的髮型好易認，但有網民就認為 「成個王苑芝咁，有巨肺feel，少少似gem，但衰喺咬字度」

亦有網民讚賞「同同佢差唔多年齡果啲泥講，講真佢技巧上係做得最好果個」、「真心好好聽 同埋個髮型其實都幾好睇 唔係個個carry 到」、「個樣有啲似 中島美嘉」、「睇咗成集 佢係最有記憶點最好聽！ 但咬字要清楚啲 啲字唔係好清晰」

炎明熹 翻唱王菲《守望麥田》

宣傳片中，炎明熹GiGi翻唱了王菲的《守望麥田》

刻骨銘心來　放心歸去　未算無一物　深愛過誰　一天可抵上一歲

https://www.youtube.com/watch?v=Z4pjpgwPzaA