炎明熹激罕孖聲夢學員現身 同呢位男歌手情侶裝引猜測
廣告
19歲炎明熹（Gigi）自傳出有離巢之意後工作量大減，最近甚少出現在幕前嘅Gigi只透過社交平台分享近況，令唔少fans表示十分想念佢！適逢月底就係萬聖節，炎明熹就孖住一班聲夢學員齊齊現身主題公園，今次亦係Gigi疑被「雪藏」後激罕與聲夢參賽者同框，而佢更同其中1位男歌手以情侶裝現身，瞬間引起網民熱議……
炎明熹激罕孖聲夢學員現身
炎明熹今日（28日）在社交平台曬出1張新相，相中佢以搞怪裝扮現身，仲孖住一班聲夢學員，當中包括After Class成員鍾柔美（Yumi）、林沚羿（Venus）、林智樂（Felix）以及張馳豪（Aska）等，齊齊去主題公園扮鬼扮馬賀Halloween，久違與聲夢幫齊齊出鏡引起唔少網民熱議！
炎明熹同呢位男歌手情侶裝出鏡
在炎明熹分享嘅顯示動態中，佢以白面女鬼妝加造型示人，而同場嘅林智樂就被指出與Gigi係同款妝容加打扮，令唔少網民都直指2人係情侶裝上陣：「四眼仔唔聲唔聲原來……」、「第一眼見到Yumi，搵咗好耐先搵到GiGi」、「炎明熹都真係幾玩得」、「Gigi同Felix扮到一模一樣嘅，唔通……」、「9個人得佢地情侶裝嘅？」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：ig@yiminghay、ig@lamchiloklok
