鬼王潘紹聰年底辭任新城《恐怖熱線》主持 有一誤會要澄清 率先爆下年大計
廣告
「鬼王」潘紹聰自從15年後重返新城廣播後，於今年3月開始主持節目《恐怖熱線》。該節目收聽率一直居高不下，但潘紹聰於今日（3日）在Facebook上發布消息，宣布他將因個人理由辭去新城知訊台《恐怖熱線》的主持職務，工作至12月底正式離任，潘紹聰更透露了2025年將展開一連串新計劃！
潘紹聰強調自家業務繼續
潘紹聰表示：「小弟因個人理由將辭任恐怖熱線主持，做到至本年十二月底。多謝電台高層日前已接受本人辭職。在此，必須再次多謝馬生邀請我回歸。」儘管有粉絲擔心他將不再製作恐怖節目，潘紹聰則強調：「大家唔好誤會，自家業務恐怖在線梗係繼續啦。」
新城恐痛失長壽皇牌節目
新城節目《恐怖熱線》在2016年1月結束後，今年初獲馬浚偉誠邀潘紹聰回巢復播，可惜未夠一年就辭任。《恐怖熱線》是香港最長壽的電台靈異節目，目前未知新城會否更換主持，還是直接將節目取消 。
網民嘆可惜：由細陪到我大
網民對此議論紛紛：「你去邊我就去邊繼續支持你，除非你退休，由細陪到我大，淨係習慣聽你一個，加油」、「仲有恐怖熱線咩？我真係一路都以為恐怖在線喎⋯⋯恐怖熱線唔係之前好耐㗎咩？」、「其實Edmond咁多工作，唔做係好事，專注做好而家幾樣已經夠！」等。
潘紹聰大爆下年工作大計 預告籌備ViuTV真人騷！
潘紹聰接受《東方新地》訪問獨家回應，透露嚟緊2025年工作大計：「2025年工作次序：首先一月中有新年市集；另外10月份開始會有舞台劇演出，今次預計係超過20場；另外，海外拍攝方面呢，更多去拍馬來西亞，因為喺YouTube嘅人流分布呢接近五分之一（馬來西亞觀眾）睇我哋嘅人，所以呢個市場我哋要不斷去拍攝；而ViuTV方面，除咗有《總有一瓣喺左近》，同埋另一個嚟緊嘅真人騷節目會出現，而家傾緊嘅！」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：FB@Edmond Poon恐怖在線、新城電台、ViuTV
