「美魔女」溫碧霞性感遊峇里島 53歲索爆身材無走樣
廣告
英皇新片《墮落花》早前獲選入圍香港亞洲電影節最佳十強電影，身為女主角嘅溫碧霞(Irene)當然好開心，日前出席澳門國際影展後，旋即同老公何祖光(Kenny)飛去峇里島慶祝。兩公婆撇甩囝囝Xavier享受二人世界，Irene更大解放著上火辣三點式大騷索爆身材！
撰文、圖片：東方新地
溫碧霞風騷晒三點式同老公咀嘴放閃
Irene同老公喺陽光與海灘下非常溫馨，Kenny更親自操刀充任攝影師為老婆拍攝火辣三點式靚靚泳照，Irene對老公嘅攝影技術有讚冇彈：「佢係我哋家庭嘅攝影大師，我哋好多家庭相都係佢操刀，佢對影相好有研究，仲 影得好靚㖭！」
滿意2019年成績寄望明年人人順心
喺峇里吸收完陽光後，Irene將會飛到美國紐約同Kenny嘅家人一齊慶祝聖誕，2019年就快過去，Irene回望過去一年自覺感恩：「好滿意今年工作成績，出咗寫真集，口碑同销量都好好，電影成績都好滿意，《墮落花》入圍幾個影展，《嫌疑者說》又攞咗《金雞百花獎》，商演亦冇停過，仲賺多過上年，所以我係非常滿足，希望2020年人人都有工開，大家都健健康康，一切順心。」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
