獨家！湯洛雯街頭鯨吞雪糕甜品 回顧八年發肉期 放閃：我肥瘦馬明都鍾意！

原文刊於《東方新地》

湯洛雯無懼幸福肥 街頭鯨吞雪糕甜品

馬國明自從戀上湯洛雯，內外都變晒，春風滿面成個sharp醒晒，以前天然呆無情趣，對住靚湯變得風趣幽默，無工開即隨傳隨到戀愛大過天，出入靚湯紅磡香閨頻率勁高，拍拖更高調任影唔嬲，難怪老友蕭正楠早前大整蠱，見馬明在靚湯的IG貼文下留言「九點見」，呼籲大家記得收看靚湯當晚的直播。正當網民起哄之時，蕭正楠加入留言說：「哇！咁樣的老公去哪裡找？」然後裝作要改口般表示：「Sorry，Sorry，男朋友才對！」並附上數個思考中的Emoji圖案，似是意有所指。

八年發肉期放閃：我肥瘦馬明都鍾意！

靚湯被指最近身形發福，她曾解釋早前拍劇時天氣太熱，不時吃甜品補充體力，其體質一吃甜便很易肥，雖然沒有上磅習慣，但穿衣時明顯發覺身形脹了，更豪言馬明對她的身形好滿意：「佢冇所謂，我肥瘦都鍾意。有靚湯肯嫁，馬明求之不得，就算變咗肥湯一樣照娶！

12年選港姐時湯洛雯五官標緻被封「靚湯」，出道後keep住靚同fit，到18年與相戀四年的男友羅天宇分手，有指因情傷導致失調，身形突然脹爆，體重更超過130磅，去年代替黃心穎重拍《法證先鋒IV》，被勒令減肥依然未有成果。之後憑節食加運動，稍為清減了少少，不過自從與馬明拍拖，又再度keep fat。