「港版林志玲」劉子儀谷行34D警鐘胸出寫真 懶理書展延期挑戰極限性感

原文刊於《東方新地》

美容公司CEO出爆乳寫真

「港版林志玲」劉子儀（可人Kelly）處女下海，今年推出個人絕美寫真集，大騷天使面孔、魔鬼身材！呢位女子才貌雙全！現任幾間美容公司CEO，多次被韓國醫療美容協會AMAEA譽為面部美學專家！佢年紀輕輕已獲得香港傑出人物殊榮！2019年同馬雲同期被評為海內外70位楷模其肖像已經入冊中國紀念郵票！Kelly話：「我本身好鍾意影相，平日會喺社交平台分享自己啲靚相，Facebook、IG、微博、抖音、快手、已超過180萬fans！佢哋一直都想我出攝影集，其實我係2年前已經開始湊備，不過之前因工作好忙冇乜時間整理靚相搞一本寫真集。」因疫情影響美容工作，Kelly把握時間出寫真，由策劃、化妝、服裝到排版、一腳踢、每一步都親自把關。但Kelly自己追求完美，雖然已影了很多相，但揀相揀到好頭痛，未正式推出已預售過千本。