港姐2023丨3大佳麗改造前後對比 「金髮蔡思貝」嚴重跌Watt勁失望！

3大佳麗改造前後對比

Juliana「招牌金髮」慘痛消失

Juliana變髮後髮色完全不同，對於佢頭「招牌金髮」唔見咗，形象大跌Watt！Juliana即尷尬笑，又透露都接受到，自己都幾鐘意，依家有少少保留之前自己漂嘅底色，同將頭頂染返黑，因為想「不失型格又得體一點」。

對於改造後被染成深色頭髮，Juliana直言：「呢個黑色，可能啲人就認唔到係我。」她透露「招牌金髮」Keep了兩年，一開始由自己親自操刀，但因為染到「一撻撻」，所以最後搵髮型師處理。

唔介意身材被大眾關注

另外，Juliana亦因突出上圍而被傳媒關注，她表示：「唔會介意，其實都唔係啲咩唔見得光嘅事。」身旁的莊子璇（Hilary）補一句：「好嘢開心Share呀嘛！」

&ab_channel=TVB%E5%A8%9B%E6%A8%82%E6%96%B0%E8%81%9E%E5%8F%B0

莊子璇仙氣形象不減

至於「港版IU」Hilary莊子璇繼續保持空氣瀏海的清純味道，仙氣及可愛形象不減。她笑言自己稱不上可愛：「Keep返個瀏海會Young啲。」至於Hilary被封仙氣脫俗嘅代表，她透露：「好開心，但係都有啲壓力，希望可以做得更加好。」

被封「港版IU」感開心 但更想做自己

對於被封為「港版IU」，Hilary坦言聽到不少「翻版乜乜乜」，不過她更想做回自己：「開心嘅，似前輩都好靚，但係希望有機會做番我自己，莊子璇1.0咁樣。」

「野性學霸」Michelle笑言依家保守咗

Michelle雖然髮型變化不大，但新髮型補了色和較為清爽。她表示十分滿意新造型：「覺得好靚呀，佢幫我Set咗攣少少。之前有啲乾，今日好似補咗水好啲。」她續說雖然沒有改變髮色，不過新髮型就多了層次。

三位熱門佳麗被問到私底下會唔會做唔到朋友？Michelle表示：「唔會，我哋都好friend 。」對於傳媒對3人都有不同的標籤，Michelle被封「野性學霸」，她笑言依家保守咗好多，同優雅咗。至於會否因壓力大而失眠，Michelle表示暫時沒有：「都係有啲自信…壓力都有少少，有時睇報紙都有少少。」

港姐2023面試︱金髮美女Juliana「禾稈冚珍珠」

第三輪面試大部分佳麗都打扮的斯斯文文、正正經經，唯獨佳麗Juliana頂著一頭金髮出現，成功搶鏡。頭兩輪面試都密密實實嘅Juliana，今次就身穿低胸黑色Top登場，非常性感。報稱經營首飾網店開Juliana非常「有料」，經常於IG大曬背心短褲性感照，大曬火辣身材。

港姐2023面試︱「港版IU」莊子璇港大學霸出身

由首輪面試開始已經被傳媒封為「港版IU」嘅莊子璇今日以一身粉色長裙現身第三輪面試。今年21歲嘅莊子璇唔單止外表甜美可愛，原來仲係學霸出身，於香港大學修讀營養學。莊子璇經常於社交平台上傳旅行照同自拍，唔賣性感之餘，清純得嚟又夠可愛。

港姐2023面試︱黑面港姐Michelle成功晉級

獲2017年港姐冠軍雷莊𠒇提名而備受關注的Michelle亦成功晉級，第二輪面試時一邊咬住香口膠一邊影相嘅Michelle，今次就笑容滿面，仲話自己特登為面試而做空中瑜伽減肥。今年24歲的Michelle在網上小有名氣，IG有10000多人追蹤，仲經常大派福利公開性感照片大騷傲人身材。