【港姐2019】港姐第二輪面試 部份港姐棄淘寶衫轉攻外國品牌 最貴連身裙達4位數！
廣告
【港姐2019】《2019香港小姐競選》噚日(3/7)進行第二輪面試，一班參賽者費盡心思悉心打扮，著上各式各樣服裝到達TVB將軍澳電視城。自首輪面試時，已有一班準港姐被網民發現著上「淘寶衫」參加面試，雖然噚日依然有人繼續著淘寶貨，但係已經有部分港姐由內地轉攻外國，喺外國網站購入戰衣，等小編帶大家細心欣賞吓啦！
撰文：Evita | 圖片：東星娛樂、FARFETCH、ASOS
港姐2019第二輪面試
能夠喺首輪面試脫穎而出，當然要喺復選花多啲心思啦！有參賽者著上露膊荷葉邊修腰連身裙，露出迷人鎖骨，不過原來條裙喺淘寶只係賣梗人民幣$199，非常抵買喎！
走清純路線嘅楊詠彤(Katy) 今年23歲，喺城大主修犯罪學。身高178cm，望落去有幾分似韓國女星，長手長腳可以話係佢最大嘅賣點，上次就著充滿少女味嘅粉色連身裙，今次就以一身純白色帶少少透視嘅背心裙現身，淘寶售價$178。
除咗淘寶貨，有部分參賽者已經由淘寶轉攻外國服裝網站，好似大熱KOL蔡嘉欣咁，上次著咗條人仔$349嘅一字膊連身裙，今次繼續大曬鎖骨，揀咗條純白色斜膊裙，原來係嚟自英國平價網ASOS，售價港幣$370。咦！雖然係外國貨，不過同淘寶價錢差唔多！
有參賽者以一身桃紅色露膊連身裙「參戰」，小編喺英國網站搵到同款裙，可惜無晒呢隻鮮艷嘅桃紅色，得返白色、藍色同粉紅色。
馮盈盈港大同學系師姐，25歲嘅楊慧敏(Mina)亦有露面，噚日就著上RED Valentino 2019春夏款連身裙亮相，不過價格非常昂貴，原價美金$650（約港幣$5,062)，真係整污糟少少都肉赤。
其實著淘寶貨定係名牌都唔係重點，選港姐最梗要就係美貌與智慧並重啊嘛！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
