36歲洪永城一邊箍實絕種好女友 一邊會舊相好蔡思貝
廣告
無腳雀仔洪永城經歷一年半的自由自在單身生活，終於做回有腳雀仔，去年被爆戀上模特兒兼長跑教練梁諾妍（Inez），洪永城直認戀情，仲孖住去除夕派對狂放閃光彈。不過雖然有絕種好女友，Tony依然同舊相好蔡思貝保持良好關係，如果真心想同女友開花結果，Tony就要避忌下啦。
撰文、圖片：東方新地
洪永城焗女友同居 唔怕試婚失敗
拍劇自製艷福，已經有個長跑教練女友梁諾姸的洪永城，拍拖一年半感情轉入直路，早已將乖乖女友治得貼貼服服的他，更密謀新一年焗女友同居。早在18年底以千萬購入觀塘凱滙樓花單位築愛巢，不過未等到明年收樓，洪永城已急不及待要過同居生活，早前出席活動就透露今 年新年願望是計劃和女友同居，即使被問到會否怕步馮盈盈後塵，同居變分手，他依然冇有怕表示：「呢個應該係情侶必經階段，要接受對方優點同缺點， match唔到都要勇敢面對！」擺明車馬試婚事在必行。
唔知男友底細洪永城撇女友會舊相好蔡思貝
一面狂氹女友同居，以往紀錄花弗的他，近日卻繼續與昔日緋聞女友姣思貝約會，早前洪永城與姣思貝約了一班朋友到中環開餐，雖然未有並排而坐，但兩人全程默契十足，見洪永城講到眉飛色舞，姣思貝更望到眼定定，飯後又好有默契一齊走，同行經理人醒目上車坐後座，蔡思貝則似足女主人自動波坐在洪永城司機位旁密密傾，完全唔知要避忌，當年洪曾被指因為蔡思貝介入而箍唔住「不能錯過的女友」唐詩詠，如果唔想再失「絕種好女友」梁諾姸，在公在私都要認真反省，好好珍惜女友！
