洪卓立認愛Hillary後踩入女友粉絲群組！Post絕密合照公開「宣示主權」
廣告
洪卓立日前認愛「膠戰」Hillary（劉沛蘅），揚言要寵到女友變「貪慕虛榮」，認愛未夠兩日的他，即踩場加入Hillary的TG Fans Group，更貼出絕密合照宣示主權！
洪卓立彈弓手Post相揭戀情
洪卓立早前錯手上載Hillary抱住愛犬的照片在IG Story，雖然未幾刪相，不過網友更快手截圖，二人因而傳出緋聞。當事人一開始都否認，雖然戀情慢慢浮面，Hillary其後亦承認二人「了解中」，但始終唔肯公開認愛。
Hillary直搗洪卓立住所 被斷正再認愛
直至日前有傳媒拍得Hillary拿着外賣直踩上洪卓立在大圍的住所，連日出入的Hillary被指已發展至同居關係，消息傳開後洪卓立即認愛，大讚對方是他見過最善良的人，更揚言要將對方寵到「貪慕虛榮」！公開認愛絕對甜到漏！
洪卓立踩場宣示主權 絕密照贈粉絲
認愛不夠兩日，洪卓立以個人TG帳戶加入Hillary與粉絲互動的Fans Group，一加入就被粉絲認出，立立亦大方回應，笑指自己只為「湊下熱鬧姐（啫）」，為表誠意，還貼出一張Hillary的抱狗的絕密合照，以宣示主權！
閃盲粉絲 洪卓立積極同Fans互動
一貼相，一眾粉絲紛紛留言，大讚so sweet之餘，更有粉絲表示：「突然放閃！大家係時候戴返副太陽眼鏡！」立立又立即回覆留言笑指：「我企你哋個邊嫁！」雖然Hillary未有「上水」回應，不過立立的舉動足以閃盲一眾粉絲！
即重溫二人甜蜜MV：
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
