28歲江嘉敏想同陽光玩遊戲 Deep V打扮激罕騷事業線
江嘉敏谷胸騷事業線
受颱風小犬影響，不少人都留在家中安全為上，江嘉敏就希望天氣快點放晴，她表示：「還番個太陽比（畀）我呀！#想去跑山#想拍外景#想洗衫晾衫#小犬得個名可愛#大家小心」不過，網民重點就留意她穿上穿Deep V通花裝，不經意地曬出比堅尼的靚相，激罕騷出事業線，網民紛紛大讚：「小寶好勁事業線！」、「好想見你」、「見到你燦爛的笑容，熱辣辣的性感，簡真勁過太陽！」、「一定有陰謀！」
月底參加馬拉松 愈操愈fit
江嘉敏化身騙徒拍攝《警聲百二秒》時受訪，表示月底要參加一個12小時內完成馬拉松嘅賽事，對於一向唔跑步嘅自己嚟講算係一個挑戰，所以而家幾乎每日都練跑，前前後後瘦咗十幾磅，但仍然會繼續跑步。
大騷纖腰長腿
被網民叫大媽叫足幾年，江嘉敏終於減肥成功，近日她在Instagram分享最新減肥成果，不但臉部輪廓相當明顯，更露出纖腰和長腿，令網民大讚她終於回到全盛時期。她早前接受傳媒訪問時透露，以前經常外出食飯，而現時則有戒口而且食得比較清淡，不過就表示沒有跟減肥餐單進食，只是減少外出食飯，並在家中食以烚為主的食物。
江嘉敏po近照脫胎換骨
向來唔係瘦底的江嘉敏，經過多月的努力原來成功減磅，日前她於社交網出po分享近照，又留言：「呢幾日一返公司，個個都話我瘦咗成個碼。好開心！努力有成果……」睇江嘉敏自己po的素顏照，的確見到塊面變V，下顎線緊緻咗，五官輪廓更加立體，有脫胎換骨的感覺。
堅持做3件事
江嘉敏寫長文公開自己的成功秘訣，原來唔係佢一個人的功勞，「每次肚餓好想食零食，我妹就會勁惡咁啤住我（搞到佢好似先係我家姐），佢哋仲會陪我夜晚跑步。多謝我嘅朋友知道我努力keep fit，二話不說send成箱雞胸過嚟畀我。仲有 Michelle同Hebe成日輪流哦我，要我勤力啲護膚同埋去做增肌減脂，咁就可以事半功倍！」江嘉敏除了做運動，仲要忍口節食同埋勤力做機，真係幾有恆心。
年初被馬貫東當眾恥笑
江嘉敏的起心肝修身，據知真要多謝馬貫東，今年初出席劇集《黃金萬両》宣傳時她曾被拍檔馬貫東當眾稱呼她做「肥膩嘢」，當時Kaman就反駁：「我唔知你講咩喎，我聽唔到。其實呢個名係有一個來源之處，我係劇裏面都係比較有肉地嗰個嚟嘅，有肉地啊，後尾佢哋諗咗個方法去解釋呢樣嘢，就係因為我個名叫金枝，屋企有啲錢嗰個，就話我由細到大食啲山珍海味，食到個人圓潤咗啲。」化憤怒為動力都好嘅！
又稱「時裝車禍KOL」被批造型老氣兼自曝其短
江嘉敏幾乎次次現身大型活動都例牌炒車！好似2019年出席《萬千星輝頒獎典禮2020》，當時蜜運中的江嘉敏一身「幸福肥」，卻穿上一襲Bling Bling直間緊身魚尾裙，將其腰間贅肉表露無遺，相當趕客；而經常被批評打扮過於成熟的她，去年以黑色喱士襯藍色連身短裙Look亮相《周年慶典節目巡禮2022》，雖然「中門暗開」身形若隱若現，但仍遭網民狂踩顯肥兼老氣。
江嘉敏短髮Look致敬仙杜拉？ 戰鬥格被嘲滲「東莞味」
發福不少的江嘉敏日前則於IG貼谷胸照，自稱獲友人大讚「身瘦咗但塊面圓咗」，並謂：「我把自己吃得這麼圓，就是為了不被別人看扁。」自信滿滿的她早前還以戰鬥格，穿黑色Deep V Bra Top披藍色西裝外套入馬場，惟有網民嫌「鄉姑」味濃，紛紛留言「件衫隻色想點，以為返咗大陸」、「東莞夜場小姐」、「啲Taste咁差」、「花家姐咁款」、「以為夾個髮夾喺頭就會似番女人？」等。然而去年底換上新造型時，江嘉敏已被指「完全Carry唔到短髮」，甚至問：「係咪致敬仙杜拉？」
江嘉敏認自己化妝幾恐怖 爆造型原來搵朋友幫手
對於被封「時裝車禍」，江嘉敏接受鄭裕玲（Do姐）主持的商台節目《口水多過浪花》訪問時，大方直認不懂扮靚、幫自己化妝都幾恐怖，「可能件衫本身係靚，但我冇諗到咁深層次，原來件衫唔啱我身形著，我冇留意呢啲。」又表示造型是搵朋友幫手，現會考慮聘請形象指導，Do姐追問：「嗰個朋友絕咗交未？」江嘉敏即解釋：「冇，朋友好好，佢哋有勸我嘅，但我就好堅持，我覺得呢件衫真係好靚，咁其實自己衰囉！」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
