歐陽震華同群姐修成正果 Bobby簽名確認加入《開心速遞》
廣告
Isabella群姐（許思敏飾）喺《愛‧回家之開心速遞》入面係Bobby仔歐陽震華嘅頭號忠粉，但係只可以同Bobby仔嘅紙牌對戲，睇到人心都酸埋。所以有唔少網民集氣，想睇吓群姐同真歐陽震華做對手戲！Bobby睇到大家反應咁熱烈，終於忍唔住上咗去劇組辦公室！唔通一眾網民嘅願望可以成真？
歐陽震華同群姐修成正果
Bobby到底會唔會客串《開心速遞》，令網民願望成真？
網民咁哄動皆因《開心速遞》劇組辦公室有一張海報，而有份參與該劇嘅藝人都會喺上面簽名，編審李綺華就喺自己個人微博上載咗一張相，而相中人就正正係Bobby仔歐陽震華喺《開心速遞》海報上面簽名，即刻引起咗一眾網民熱議。同時令人諗起早前Bobby非常有心咁為思敏姐拍片，透露自己想客串番一集半集！
李綺華就似乎想收收埋埋，畀個Surprise畀大家，喺微博到打咗句：「歐陽波比大駕光臨！#愛回家之開心速遞#開心速遞」令一眾網民哄動、猜測到底Bobby會唔會同思敏姐有對手戲，最終修成正果！
劇組早前睇到大家對群姐同Bobby紙牌反應咁熱烈，都特別增加咗群姐嘅戲份，滿足一眾網友對群姐嘅傾慕之情！
嗰一集劇情講到群姐為見Bobby一面，不惜以身犯險偽造印花。最後畀大小姐揭發，正當大小姐興師問罪嘅時侯。群姐真情流露，表達對偶像傾慕之情，仲有保留一顆少女心，令網民大讚演技出色！
思敏姐仲喺網上面被票選為「愛回家最正女角色」。一班90後嘅女神（蘇韻姿、謝芷倫等）都唔夠思敏姐鬥。
希望劇組將來真係可以畀思敏姐同Bobby做對手戲，一定會擦出火花！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
