鄭欣宜出post悼亡母留言區慘變「炒車區」Fans竟然崩壞送錯祝福！

鄭欣宜出post悼亡母 自爆曾被肥姐「兜巴星」

欣宜於昨日母親肥姐沈殿霞死忌之日po出關於自己與母親過往的合照，更憶述起自己與媽媽的往事，欣宜自爆因為頑皮，媽媽管得嚴，會施以「兜巴星」，但最後還是會呵番⋯⋯寫得文情並茂，睇到嘅人都感受到母女情懷。文末欣宜亦指出：「今年35歲了。佢都走咗14年了」、「人越大越珍惜佢那種不離不棄。無論我有多壞，無論我令佢多失望，到最終佢都會叫我「過嚟」然後錫返我。」。

之後她亦都寄語可以找到一個同樣對自己不離不棄，就算發生咩事都會呵護自己的人，再加上hashtag「我仍會等」。可見整篇文章都未有提及自己生日，而且欣宜的生日5月30日。不料留言區竟然崩壞，令人真係成頭「黑人問號」。

網民亂帶風向死忌變Birthday

留言區不少人都向欣宜送上祝福，直言「Happy Birthday」，又指希望欣宜有美好的一天，更有人指「過嚟，姨姨錫返你」。成件事就好似為欣宜雪上加霜一樣，在自己母親的死忌上竟然收到「Happy Birthday」的祝福…

不過都有網民眼睛係明亮，閱讀理解應該都正常，祝福欣宜可以找到一個「Mr.Right」，亦表示自己十分欣賞她一直以來的堅持，可以看到母親沈殿霞都有一直在保護她。

欣宜35歲可動用6千萬遺產

欣宜闖歌壇多年，成績有目共睹。其實欣宜努力多時，她21歲時，肥姐不敵肝癌離世，短短一個月，外婆亦相繼過世，絕對是欣宜最難過的一年，人不在，但愛和親情永長存，肥姐留下達6,000萬的巨額遺產予愛女，讓她將來無憂生活，不過當時基於欣宜年紀尚輕，肥姐立下遺囑，要求欣宜必須在35歲之後才能動用這筆巨額遺產，而年來欣宜亦發奮自強。

肥姐離世13周年｜欣宜向肥姐承諾「會爭氣」

去年初肥姐離世13周年，欣宜留言指在13年前對媽咪肥姐許下承諾：「我會爭氣，我會乖，我會努力做一個有用嘅人。」回憶以前，欣宜在加拿大升學，肥姐在香港工作，「 仲記得讀上中學時…放學掛住玩。成日都唔做功課。讀書成績都算OK啦。都會有80幾分嘅。」不過維持不到一年，成績跌到不合格。

欣宜回顧肥姐對考試肥佬不責罵

欣宜成績一落千丈，但肥姐沒有責罵她「 由細到大佢都俾好多自由空間畀我。從來喺讀書方面都好信任我會乖會鞭策自己。佢喺香港工作，我喺加拿大讀書。Grade 11 year 佢突然暫停了自己所有工作飛返嚟話要陪我…亦都就係呢一年我學業開始退步。 記得佢見到我啲分數時，佢冇打個、佢冇鬧我。我見到嘅反而係佢對自己嘅失望。好似喺到怪責自己點解唔攞多啲時間出嚟去鞭策自己個女讀書讀好啲。佢只係細細聲同我講咗一句『你要靠呢啲分數考大學㗎…』當時見到佢咁失望，我真係寧願佢鬧我、打我。」

欣宜回顧肥姐金句「做人要有頭有尾」

欣宜其後用寫紙仔方式寫字條給肥姐道歉，並承諾會努力讀書，畢業可以做到Honour Roll Student上台領證書﹗因為欣宜記得肥姐的教誨：「做人要有頭有尾，講得出就要做得到」。

欣宜回想13年前許下的承諾，自覺自己沒有特別爭氣、沒有特別乖，亦唔覺得自己做到一個很有用嘅人，「但我一定有努力， i’m trying.. i’m on my way there…你教我的我都記得。請放心。」

欣宜長文悼念肥姐，感動不少圈中人，紛紛留言鼓勵欣宜，指她的成績有目期睹，肥姐在天之靈也會為她感到驕傲。