33歲樂瞳一償心願升呢做老闆 為吸客做生招牌 IG 騷童顏巨乳

原文刊於《東方新地》

樂瞳為吸客做生招牌 IG 騷童顏巨乳

其實出道多年來緋聞多多，又富二代又金融才俊，入住千萬豪宅不特止，又不時出埠旅行，坐遊艇出海歎世界，經常遊山玩水生活不知幾寫意！終於一償心願升呢做老闆嘅樂瞳，為吸客不時親身上陣做生招牌，喺網上po性感相大派福利！回復單身生活仍然富泰，日前著上超貼身one-piece裙去食日本菜，胸前穿窿設計不經意露半球，非常養眼！咪睇樂瞳嬌滴滴細細粒，32D迫爆上圍唔嘢小㗎，33歲仍保持童顏巨乳，仲吸引到唔少宅男粉絲㖭！

告別妹妹仔形象 樂瞳 寫真爆發初熟誘惑

33歲的 樂瞳 (原名龔茜彤) 在無綫捱足十年得個桔，早前劈炮唔續約，高調發表離巢宣言：「呢十年我搵唔到錢！」回復自由身後事業自己話事，樂瞳告別妹妹仔形象，2年前推出處女寫真集《See La Cilla》，大騷魔鬼身材！依家同大家回顧靚相！

樂瞳 學生妹深入民心

入行多年的 樂瞳 嬌小可愛，長得一張清純童顏，11年時憑《點解阿Sir係阿Sir》的反叛學生妹角色成功入屋。但可能學生妹印象太深入民心，樂瞳每每獲派的角色都不外乎學生妹或者一啲楚楚可憐的少女之類，發揮不大，一直徘徊三線，難怪萌生去意！

「童顏巨乳」不得了

不過校服妹妹的背後， 樂瞳 其實隱藏住一副姣好身材，名副其實是宅男至愛的「童顏巨乳」！樂瞳亦相當識做，不時在社交網站大派福利，三點式泳衣夠晒吸睛，不過行山look同居家服飾一樣好有睇頭！

白色泳衣初熟誘惑

樂瞳的處女寫真集《See La Cilla》在檳城取景，佢表示今次寫真集走「初熟」女人味路線，讓大家睇住佢由少女邁向輕熟女！單單係封面一襲純白色連身泳衣，谷盡32D上圍，一個又一個的性感甫士，加上帶點無辜的眼神，便足以叫一眾男士乖乖掏腰包！

泳池玩水當然少不了！

而另一輯相則見到樂瞳換上一件粉藍和粉紅色相間的泳衣，紥起長長馬尾，在一部露營車中擺出各種誘人姿勢，感覺竟然有啲似雞排妹？

最後一輯相見到樂瞳去到檳城升旗山的情人橋，讓密密麻麻的愛情鎖作為背景，唔知佢幾時又會遇上命中的白馬王子呢？