梁烈唯爆當年自以為好紅拒坐巴士！認發明星夢入行

梁烈唯喜歡演奸角「夠警世」

梁烈唯近日接受好友胡炯龍訪問，最初談及過去演出過的角色，問他哪個角色最深刻？他表示：「因為每一個角色，我都係用個靈魂灌注落去咁演，會有一部分嘅自己影子喺入面﹗」答咗等如無答，之後被追問之下先講喜歡演奸角，因為發揮大又有警世作用喎！

梁烈唯自爆兒時已發明星夢

問到演戲是否自小的夢想？梁烈唯竟然好坦白咁答：「唔係㗎，我入行係想做明星㗎！不過之後遇到挫折，得到不少教訓，入TVB時心態已經洗心革面，自此我同自己講要成為一位好演員。」然後他自爆：「當年我拍完第一套電影之後呢，我就唔敢搭巴士、地鐵，覺得自己唔可以搭，因為嗰時我諗『死啦，啲人會認得我』。」胡炯龍聽到後都禁不住狂笑，梁烈唯仍然一臉認真！

梁烈唯忽然賣溫情

梁烈唯之前被酒店員工爆料，指他大支嘢去酒店前枱要求參觀ballroom，勁無禮貌兼指住自己個鼻問：「我喎，唔識？你經理會識得我。」點知經理是外國人，梁競徽英文差立即笠水！呢件事在網絡瘋傳。梁烈唯曾爆seed回應，指自己是龍的傳人，不可被人欺負，唔認衰仲九唔搭八。呢日佢都有講番件事，仲話自己依家成熟好多，只會努力工作去養家。

「而家唔諗大紅大紫」

梁烈唯說：「我依家呢個階段，有家庭有小朋友，其實已經唔去諗乜嘢大紅大紫，要去到咩位，冇再諗呢啲，總之keep住有工作，有收入去維持全家生活。其實任何事都係，當你有機會嘅時候，你就盡力去做啦，累積落嚟嘅努力同表現，就會得到日後嘅機會。」

梁烈唯近年決心長期進駐在內地發展，近日更撈過界玩埋直播帶貨，卻全程黑面明顯一臉倦容，有網民直言：「只知道特眼熟，名字就…」

網民：帶貨好過返大台

梁烈唯近日撈過界直播帶貨，引起網民關注，在直播中他一身全黑廚師裝束，十足十一個扒房師傅，而在直播間中不斷落力狂sell面前的牛扒。有觀眾就在直播中留言指：「帶貨好過返大台」，又叫梁烈唯講粵語。但他懶理fans聲音，只係不斷想sell多啲賺多啲錢。

「唯」生唔到 無奈被逼接Job？

影片一出即引起網民關注，有網民直指因為「口罩給大家逼的沒招了，只能先掙錢先幹著對吧？」，暗示梁烈唯呢排都搵唔到食。底下都有網民留言，指：「天吶梁烈唯老了這麼多嗎？」、「身高限制了他很難當大男主」等，資料上梁烈唯身高報稱是175cm，但一直有網民認為他報大數。亦有網民直言：「只知道特眼熟，名字就…」、「沒劇接要去帶貨了？」、「真係折墮」、「不知是誰」等等。

梁烈唯被重提酒店經歷

有網民認為講起梁烈唯，就一定要再提一提他的「酒店經歷」，事沿有網民表示自己曾在酒店任職reception，並在酒店大堂遇見梁烈唯，但他當時並不知道梁烈唯是誰，他指當時梁當時走到酒店接待大堂櫃檯問︰「有冇得睇吓你哋個ball房？」但由於無預約，加上ballroom正有活動舉行，所以無法讓他即時參觀，網民指他當時非常不滿，要求見酒店經理。

遇外籍經理梁烈唯口啞啞

但當網民要求他留下姓名時，梁烈唯卻指著自己個樣表示：「我喎！你…你經理會識得我。」然而該酒店經理是外籍人士，並不認識他，網民指梁烈唯聽完經理講英文後，突然氣勢減半並口啞啞，最後只講了句「Thank you」便離開。有網民質疑事件純屬虛構，但亦有網民認為若事情屬實，梁烈唯都幾無禮貌。