45歲梁競徽表面風光 投資竟慘蝕巨款 公開爛做24小時落力吸金

梁競徽蝕6位數未放棄繼續投資

雖然梁競徽於多個商業領域都有發展，不過去年尾佢於節目《今晚乜都拗》中，就自爆自己做嘅所有生意都蝕，總數更達6位數字。不過梁競徽對於投資失利就十分睇得開，更直言當交學費賺經驗。

梁競徽亦表示自己已經退股離場，目前打算專注做內地代理嘅自家牛扒品牌，仲稱如果一切順利，會考慮將品牌引入香港，發展中港兩地生意！

梁競徽24小時跨越1300公里登台吸金

近日梁競徽在社交平台曬出紀錄一日工作嘅新片，片中更展現咗佢為生計四處奔波嘅辛酸。梁競徽先是早上在佛山吃過早餐後便啟程，更在一日內坐車跨越1300公里。梁競徽亦配文表示：「只用了24小時暴走1300公里！」
梁競徽在車上亦趁機觀看動畫《哪吒》，不過最後就因疲憊不堪而睡著。經過長途跋涉，梁競徽最後於凌晨12點45分抵達廣西北海市，並在當地夜店登台演出。而結束表演後，佢再於晚上7點啟程返回香港，行程之緊湊令人咋舌。