梁祖堯慧眼睇中折骨Ben 未入《造星3》30強已斟演喪屍舞台劇

文：東方新地｜圖：《全民造星3》截圖、東星圖片、梁祖堯及Ben IG圖片

梁祖堯：做得一場得一場

梁祖堯的風車草劇團去年受疫情影響，多場舞台劇演出都要被取消，日前劇團再公布新一部舞台劇《通菜街喪屍戰》，網民驚喜發現竟然有《全民造星3》冠軍Ben參演，有網民讚梁祖堯「咁快手招攬到呀Ben」，他隨即回應說：「未做三十強我已經搵咗Ben了^_^開心」，獲網民大讚「慧眼識英雄」、「超有眼光」。

《全民造星3》總決賽當晚Ben亦以扮演喪屍的折骨舞作為最終場表演，成功帶來令觀眾和評判驚艷的演出。

梁祖堯早前在《全民造星3》節目擔任A組的客席導師，被A組參賽者暱稱為「媽媽」。在「阿仔」Ben奪冠後，梁祖堯接受訪問，感觸到秒速眼濕，他認為Ben是參賽者中進步最多，亦是令他最為驚喜的一個，他邊講邊難掩興奮心情，聲言全部都是真心話不是節目效果，並說好滿意整個節目與賽果，因為Ben從來都是他心裡面那忽肉，他的表演項目《想念》是梁祖堯花了很多個通宵教Ben行路，因為他是跳舞出身，不知道怎樣行才是感性，最後由這個仔攞埋冠軍，梁祖堯覺得好驕傲，還表示他們的關係已不是朋友，是家人。

Ben對梁祖堯亦非常感謝，他直言：「我好多謝啊祖，如果唔係您，我唔會打開我個心，去完完整整做一個表演，或者做翻我自己。多謝您令我同自己連接番，多謝您。有好多嘢我講唔晒，但我衷心感謝您，感謝您嘅付出。」

據知賽後監製花姐已斟掂梁祖堯於明年擔任《全民造星4》的導師，對此梁祖堯直認不諱仲表現好興奮：「花姐係有問我下年想唔想做導師？當然想啦！但就唔想同二汶做對手，我唔離婚呀！我唔要我哋個家散呀！哈哈！我想保住我頭家，唔知一齊得唔得？」