梁業Fatboy《Jap Jap》MV動作連場被難到 新歌靈感全靠減肥
減肥減出靈感 歌詞等於生活寫照
Fatboy近期努力減肥，改變飲食習慣之餘也狂做運動，但想不到這個減肥過程，卻給予他靈感做歌，他說：「呢排自己一路減肥，減肥真係好辛苦，因為冇得食好嘢，但其實都係為咗可以食更加多嘅好嘢而做運動，見到有人會打拳，就聯想到食嘢嘅『Jap Jap』聲，同打拳出拳嘅『Jap Jap』聲而構思出呢首新歌《Jap Jap》。」Fatboy將自己這個構思告知作曲兼作詞人James Wu，James在資料搜集時無意中看到童童拍攝有關進食時Jap Jap聲的短片，結果就令這個《Jap Jap》企畫更具體更有畫面！特別是歌詞方面，James與另一填詞人梁栢堅的詞作，不僅寫出Fatboy的想法，而且部份更是他的生活寫照，Fatboy道：「歌詞裡面有幾句：天光要Jap Jap / 叉燒包都俾我Dap Dap / 堵塞心中的那Gap Gap，都好中Point！好正！」
加打拳畫面增添玩味
由於《Jap Jap》的誕生其中一個靈感來源是打拳，所以Fatboy化身拳手，在MV中與胡子彤進行拳賽，當中更有Miko擔任教練，童童則是他的師父。找來這個陣容組合，原來是有原因，Fatboy道：「為咗增加呢個MV嘅玩味、趣味，所以除咗同胡子彤認真打嘅場面外，亦都有啲看似無聊嘅動畫式對打。其實胡子彤之前喺《黑貓》MV入面KO咗Poki，我今次喺MV KO返子彤，算係幫Poki報咗仇，但呢個只係我拍完MV之後先至諗到嘅說法，哈哈！至於Miko與童童的加入，就令畫面唔會得全男班這麼悶。」
動作戲難過跳舞
Fatboy舞功了得，跳舞絕對難不到他，這次《Jap Jap》MV拍攝則要應付打拳等動作場面，邊樣較難呢？Fatboy斷言道：「拍動作戲一定係難過拍跳舞歌，因為拍動作戲真係拍好長時間，又驚穿崩、打得唔好睇，自己始終擅長跳舞，自然容易好多呢！」
Fatboy《Jap Jap》MV現已於ERROR YouTube Channel推出。
ERROR YouTube Channel – https://www.youtube.com/c/ERRORweare
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
