29歲林秀怡解凍新節目分享置業經驗 男友助圓上車夢為入伙慳盡格價

原文刊於《東方新地》

林秀怡視對方為結婚對象 望30歲前成婚

拍拖四年，林秀怡（Kirby）從Kevin由助理編導捱到升職做導演，Kevin就陪著林秀怡共度林母抗癌再從雪櫃重出生天。原來疫市之下，去年工作量大不如前，林秀怡還是選擇疫市出擊，與男友夾份買入樓價500萬的300呎屯門新樓。據悉自己份積蓄早於18年母親患病時耗盡，今次新樓一成約五十萬首期是來自男友，物業及持有人只寫上林秀怡一人。男友出首期、做埋擔保人、再送埋層樓到自己名下，難怪林秀怡感動之餘，亦直言早視對方為結婚對象，物業將會公一份婆一份一齊供，一年後收樓便會開始同居試婚。

拍拖四年仍如熱戀

雖則距離收樓日還有一段日子，不過搬新屋全屋傢俬電器要添置，睇啱款格得價嚟時間剛剛好，更是小兩口最佳過日辰拍拖節目。日前就見男友驅車、林秀怡坐副駕，一齊去到觀塘APM行電器舖。 離開停車場，二人目標一致電梯直上高層家電專區， 全程十指緊扣還整個倒在Kevin懷裡研究吓洗衣機性能、又打開個雪櫃睇吓容量；行完一轉有商有量格完價，對於心水家電價錢心目中大概有個譜，咁就放下心頭大石，又係黐實攬腰去睇商場水牌揀餐廳醫肚。拍足四年拖，感情竟然尚未降溫難捨難離猶如熱戀期，睇完家電醫埋肚，準備離開，臨開車時，二人互相對望再自動波湊個嘴仔埋來個深情一吻，呢種默契已經夠一生一世。