Bob林盛斌爆16歲女兒帶男友見家長拒做呷醋外父勁讚對方有3大優點

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會2025一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Feb 4 2025

林盛斌（阿Bob）的大女兒林霏兒（霏霏）已16歲大，近日Bob就在社交平台上透露其女兒將帶男友回家見父母，引來不少圈中好友爆笑留言，仲好關心這場「會面」的後續發展！

林盛斌首見阿女男友圈中好友熱心留言

阿Bob近日出po問大家：「我個女話今晚帶佢男朋友嚟見我。請問有啲咩我要注意？」立即吸引了他的不少圈中好友留言，其中湯洛雯笑言：「入廚房收埋啲刀先。」朱智賢表示：「搵人綁住你對手。」戴夢夢也指：「收埋把鉸剪。」江嘉敏則建議他：「笑，保持微笑。」陳家樂更叫他：「戴返個假髮，扮唔係bob。」而胡定欣就好奇詢問：「見完？覺得點？」

林盛斌阿Bob出po問大家：「我個女話今晚帶佢男朋友嚟見我。請問有啲咩我要注意？」引起網民熱議。（圖片來源：IG@bob_lamshingbun） — 阿Bob出po問大家：「我個女話今晚帶佢男朋友嚟見我。請問有啲咩我要注意？」引起網民熱議。（圖片來源：IG@bob_lamshingbun）

林盛斌阿Bob大女霏霏已16歲大，開始拍拖。（圖片來源：IG@bob_lamshingbun） — 阿Bob大女霏霏已16歲大，開始拍拖。（圖片來源：IG@bob_lamshingbun）

林盛斌 Bob的眾多圈中好友爭住畀意見。（圖片來源：IG@bob_lamshingbun） — Bob的眾多圈中好友爭住畀意見。（圖片來源：IG@bob_lamshingbun）

林盛斌留言都十分爆笑。（圖片來源：IG@bob_lamshingbun） — 留言都十分爆笑。（圖片來源：IG@bob_lamshingbun）

網民驚訝阿Bob大女變潛力股

網民亦紛紛留言追問Bob：「外父你見完女婿，有流口水嗎？」、「女婿點樣？」有網民就提議Bob同阿女男友打番4圈麻雀，來測試對方人品，因為：「牌品好即係人品好。」亦有不少網民見到霏霏著低胸緊身衫的新相，驚訝阿Bob女兒原來已大個女：「估唔到佢個女變得咁成熟」、「佢個女又幾靚wo」、「又好似幾正」、「潛力股」、「阿bob咁有錢，我都想媾佢個女」等。

林盛斌霏霏日前著住低胸緊身衫對鏡自拍。（圖片來源：IG@fayelammm） — 霏霏日前著住低胸緊身衫對鏡自拍。（圖片來源：IG@fayelammm）

林盛斌力證自己已16歲大個女。（圖片來源：IG@fayelammm） — 力證自己已16歲大個女。（圖片來源：IG@fayelammm）

阿Bob勁讚阿女男友有3大優點

對於女兒的男朋友，阿Bob回應傳媒時，就力讚他有3大優點，包括幾高大、幾靚仔、幾有禮貌，更指阿女男友說話有紋有路，唔會古靈精怪，已好過17歲時的他。阿Bob又表示自己絕不會對阿女男友做尷尬事，只是簡單地與對方溝通，了解了一下對方的背景，並沒有刻意留難他，他更指當晚聚會有其他朋友在場，朋友都讚阿女男友大方得體。

林盛斌新年期間阿Bob一家六口都有出動拜年。（圖片來源：IG@bob_lamshingbun） — 新年期間阿Bob一家六口都有出動拜年。（圖片來源：IG@bob_lamshingbun）

林盛斌去到阿姐汪明荃家拜年時，更見到MIRROR成員Anson Lo盧瀚霆和Edan呂爵安。（圖片來源：IG@edanlui） — 去到阿姐汪明荃家拜年時，更見到MIRROR成員Anson Lo盧瀚霆和Edan呂爵安。（圖片來源：IG@edanlui）

霏霏16歲生日Bob曾發文嘆：愈來愈擔心

霏霏在去年5月31日踏入16歲，Bob曾在社交網貼上與大女林霏兒合照，並留言：「大家姐，霏霏，咁就16歲。呢啲款，我細個嗰陣，溝硬，唉，真係越嚟越擔心……」不少網民留言大讚霏霏「女大十八變」、「霏霏好靚女」，大家都向霏霏送上生日祝福之餘，當中有網民更笑指Bob：「主持女兒的婚禮不是夢」、「你要擔心三次」。