30歲林泳淘成TVB棄將無驚過過樓ViuTV 靠制服誘惑翻身

May 7 2020

在無綫工作長達七年的「東張女神」林泳淘（Wingto），索爆32D身材加22吋小蠻腰，早已攻陷一班宅男，去年被無綫解約亦不愁出路，除了做KOL，近日更過檔ViuTV拍劇，為博機會去到盡，在新劇《打天下》豁出去大玩Cosplay女僕「制服誘惑」，又同監製兼編審、武術指導的主角歐錦棠，有意識大膽對手戲，演出熱爆討論區，兩集戲已經出晒位，轉陣營成功翻身，更大有機會再下一城升呢做女主角。

原文刊於《東方新地》

林泳淘12年參選香港小姐落敗 TVB工作未有突破

中學時已經做Model ，又曾是樂壇組合Lacee Lacey成員，對娛圈工作充滿熱誠的林泳淘（Wingto），12年參選香港小姐落敗加入無綫，多年來一直擔任「東張西望」主持工作，32D火辣身材更成《 3日2夜》常客，即使從不吝嗇身材演出，始終未能突破框框，去年被無綫淘汰出局反而帶來事業新轉機，近日有份參與歐錦棠擔任監製、編審、武術指導兼演員的ViuTV劇集《打天下》演出，雖然只得兩集戲，但已經好出位。

唔講唔知，參選12年香港小姐入行的林泳淘，同屆港姐對手，除了三甲的張名雅，黃心穎、朱千雪外，還有湯洛雯、岑杏賢，強敵當前，難怪Wingto十強止步，未能獲得任何獎項。

《打天下》出動制服誘惑吸睛

在劇中演被騙來香港做Model的馬來西亞女生，林泳淘劇裡有不少造型，當中Cosplay女僕打扮出動制服誘惑吸睛，即時引起網民熱烈討論。據知情者透露：「Wingto不嬲都好博，就算工作安排佢著好少布要性感演出，佢都會好配合，今次有機會拍Viu劇，佢真係好畀心機，一路以嚟佢好想做打女，可惜今次佢係臨時加入套劇，原本佢嘅角色係由一個日本女仔演嘅，但因為對方檔期問題嚟唔到，反而令Wingto有機會演出，但始終太倉猝，棠哥（歐錦棠）未有安排打戲畀佢，不過，劇中Cosplay女僕造型嘅嘗試佢都好鍾意，因為佢覺得著起套制服之後，可以完全投入角色，就算之前唔敢擺嘅甫士，都好有自信去做，反而幫到佢更易入戲！」

林泳淘過檔 ViuTV拍攝劇集《打天下》，演一位被騙來港擔任Model工作的馬來西亞女生，劇中有Cosplay女僕造型，雖然造型不算太性感，但女神出動制服誘惑，一樣火速引起網民談論。

林泳淘對今次 Cosplay 演出好投入，認為只要著起套制服，便可變出另一個人格，更易入戲。

坦言唔想再局限做主持工作的林泳淘，接拍《打天下》演出去到盡，當中一場她烏低身，在歐錦棠下體附近執嘢時的畫面，角度更令人想入非非，意識大膽。

珍惜演出機會拍拖12年未有結婚計劃

除了制服誘惑收放自如，一直被網民稱為敢言女神的她，在劇中有唔少鼓勵港人的對白，形象正氣十足！但另一面，她又同歐錦棠有一場意識大膽對手戲，極具挑戰。對於過檔ViuTV打無綫，棄將林泳淘不以為意，反而更珍惜可以做演員的機會，她直言：「依家有好多唔同嘅電視台，冇話邊個打邊個，到處都係機會，自己唔想淨係做主持！」塞翁失馬焉知非福，為把握機會上位，雖然已經有個拍拖十二年的穩定男友，林泳淘仍未有結婚計劃，同《打天下》劇中角色一樣愛追夢，理想行先的她，成功引起觀眾共鳴！