林欣彤宣佈與男友Anton已分手 年初齊中疫原來有人劈腿 網民唔同情！

林欣彤與Anton拒講分手原因

昨日林欣彤與Anton幾乎同步在社交網宣布分手消息，Anton上載了他與林欣彤共同飼養的其中一隻愛犬照片，並以英文表示自己同Mag已經做回朋友一段時間，但二人都想有私人空間，所以冇告知好多朋友，他與林欣彤的現況都好好，多謝大家的開心同慰問，不過成段字都冇解釋分手原因。

林欣彤藉著新歌悼念舊情

至於林欣彤亦較啱時間連出3個po，而且仲出師有名，順道為新歌做宣傳，其中一個po寫上：「出了這首歌不久，自己便要面對這個課題，但願我們都做到我所寫的。希望我們都更懂愛，希望我們都快樂。」最後hashtag埋首新歌名《不怕》。

相關文章：林欣彤曾被指做小三

林欣彤小三事件被揭被指是沿於「同住嘅人」而被推測出與Anton拍拖兼同居，事後男方大方認愛並澄清二人是在自己分手之後少拍拖，否認林欣彤是「小三」的說法。而當時林欣彤大部分時間都與疫情搏鬥，終於在3月6日正式上水表達過去一段日子的慘況：

我嘅過程係難捱嘅…因為病徵較多：嘔吐、肚瀉、頭痛、骨痛、乾咳、痰咳、喉嚨潰瘍、發燒、發冷、呼吸不順、鼻水⋯⋯(我係咪咩病徵都有齊?)當中最痛苦係喉嚨潰瘍，我痛到每一秒都喺精神崩潰嘅邊緣，痛到完全訓唔到，每吞一啖食物/水都要打自己大脾⋯

林欣彤疑確診新冠肺炎

早前林欣彤在家中進行快速檢測，豈料結果由陰轉陽性，疑似確診，並在個人IG呼籲一定要自律：「我推測可能我今日之前已經係陽性，不過A（快速檢測工具） check唔到，但用A check我同住嘅係陽性positive嘅人，A係check到嫁。結論：A喺我身上唔work ，但喺其他人身上work；B（快速檢測工具）就喺我身上work。（我啱啱係喺同一時間一齊用A同B）， 所以我建議大家如果覺得自己有病徵，想check可以試下用唔同方法嘅test kit去check呀，唔好一直用同一個！」就係一句「同住」，被揭發做小三。

林欣彤一句「我同住嘅」被揭發是ONE PROMISE鼓手Anton

早前ONE PROMISE鼓手Anton因為參與拍攝MIRROR成員AK（江𤒹生）MV而感染並確診新冠肺炎，早前就被傳媒揭發原來他正正就是林欣彤所指的「我同住嘅」！而由於Anton本身就有個拍拖7年的圈外女朋友，所以傳出林欣彤做小三的傳聞。其實林欣彤與Anton於去年Mag作品《鐵樹》MV中情侶姿態合作之外，Anton與林欣彤不時就會公開打情罵俏，而且非常露骨，直言要做林欣彤張梳化，而林欣彤都「冧滋滋」回應：「唔好以為拉攏就會再有MV男主角做。」

Anton前女友憑歌寄意鬧「殘忍」

其實Anton當時接受訪問時曾透露與女友約於半年前分手，事件被揭發之後，Anton回覆傳媒時直認與林欣彤「發展中」，不過他強調是與前女友分手後才發展新戀情，並聲稱前任是圈外人，所以不希望她因此而受到輿論壓力。不過睇返《鐵樹》的MV發放日期是2021年9月7日，換句話說，MV拍攝的時間亦恰巧與Anton跟前女友分手的時時相當脗合。而另一方面，據報道所指，Anton的前女友在林欣彤事件曝光後於個人社交網上分享了林欣彤老友許廷鏗的作品《殘忍》，更抽出其中一句歌詞「擠迫的關係之中肯定一個要淘汰 從來從無犯錯 而離場仍是我」，再加埋一個「裂開的心心」似乎就意有所指！

Anton與前女友合養愛犬

網民發現，Christy與Anton之前一直共同撫養一只名為「Captian」的愛犬，而且二人均以Captian的「爸爸媽媽」相稱。與此同時，他們亦為Captian開設了YouTube頻道「Captain and his squad」，主要都是介紹訓練犬隻的心得或狗隻膳食等相關資訊的影片。

幾日前仲以「爸爸媽媽」相稱

頻道「Captain and his squad」雖然已經有半年沒有上傳過影片，不過其IG仍然隔幾日就有更新直至近日。約於5日前，Captain的IG分享了一張Anton 與Captain一起睡覺的相片，並寫道「《Captain 與 爸爸的枕頭》咁樣一齊瞓係愛啊， 媽媽 jealousyyyyyyy 係正常嘅」，而根據相中的沙發款式和顏色，又恰巧與Chrisy屋企的沙發極為相似，Anton 與Chrisy似乎近日仍然有聯絡。

Chrisy獨力撫養Captain ？

根據報道所指，Anton曾透露過自己與前女友已經分開超過半年，而Chrisy在一月曾經感觸發文，並寫道：「呢段找回自己嘅日子裡，不斷用忙碌充實住自己，但每天照顧 Captain 嘅事卻從不假手於人，因為每天嘅親子活動時間，是我最珍惜嘅時光…之前終於有機會第一次自己帶住 Captain去 camping，讓單親嘅佢感受到雙倍的，製造更多開心美好嘅母子回憶」，上文提到「單親」係乎就是暗示Captain只剩媽媽，而且「照顧 Captain從不假手於人」，睇嚟Chrisy在當日對「分手」一時已有所釋懷，並間接承認了當時已經是分手的狀況。

網民：除咗溝仔重可以做乜？

林欣彤在2010年參加無綫歌唱選秀節目《超級巨聲2》彈出，橫掃各大頒獎禮的新人獎，曾與羅孝勇拍拖3年後分手，林欣彤在ViuTV節目《吃掉前男友》中表示，自己曾為求復合，在屋邨平台上向出軌前度男友下跪。

林欣彤曾被初戀男友打腫眼

林欣彤曾在節目中曾經談及到當年與初戀男友多次分分合合，前男友經常懷疑林欣彤出軌，甚至大打出手。有傳當時林欣彤被前度打到眼睛瘀腫，需要要帶墨鏡才能出席公開活動！網民對林欣彤與Anton分手也有留言表態，有網民指：「好似冇男人會死咁，出道時明明幾好幾多機會，而家事業又冇埋！」、「除咗溝仔重可以做乜？」、「初出道幾好睇，但後期來來去去都係病和拍拖，做乜？」