林明禎得體應對零準備主持被讚高EQ 觀眾鬧爆：點解可以咁唔尊重受訪者
廣告
「大馬女神」林明禎早前獲「第十六屆亞洲電影大獎」邀請擔任青年推廣大使，並且以大使身份上Youtube頻道「好青年荼毒室」接受訪問，不過其中一名主持頌頌竟然在零準備兼從未看過林明禎電影的情況下進行訪問。雖然女神林明禎大方得體高EQ完成整個訪問，但依然惹來大批觀眾怒罵該主持：「點解可以咁唔尊重受訪者！」
網紅主持零準備做訪問 搞到林明禎超崩潰
林明禎早前上Youtube頻道「好青年荼毒室」接受訪問時，談及到自己學習廣東話的難處，其中講到曾經因為語言問題，而在拍攝《飯氣攻心》時遇上困難。當林明禎問到在場兩位主持有否看過《飯氣攻心》時，其中一名主持頌頌竟然話「準備睇」，令林明禎呆咗幾秒，之後先扮喊回應：「竟然都有人冇睇過《飯氣攻心》」，為尷尬的場面圓場。之後林明禎再問該主持有冇睇過《救殭清道夫》，該主持就沉默冇回應，搞到林明禎崩潰表示：「換人換人換人！」
女神林明禎高EQ以「8字」神回應
面對在零準備的情況下進行訪問的主持，女神林明禎依然回應得大方得體，高EQ地完成整個訪問。期間主持頌頌亦有嘗試解釋：「我都有特登睇你啲訪問嚟做功課，但無理由係架巴士到睇戲㗎嘛，係唔係先？」林明禎聽完之後一臉唔收貨，仲話宜家好多地方、戲院可以睇到《飯氣攻心》，建議主持：「多啲支持香港電影」。
觀眾暴怒鬧主持：睇到勁起雞皮戥明禎難受
訪問一出街，不少觀眾都紛紛留言怒斥主持頌頌不尊重受訪者林明禎，認為浪費了邀請到林明禎的大好機會：「嘥咗！換人啦」、「真係好尷尬的主持」、「真心我未睇過一個訪問可以咁嬲，點解咁唔尊重個主題，唔尊重個受訪者！到底發生咩事？」、「我睇到勁起雞皮戥佢難受呀大佬」等。
一齊睇女神林明禎如何高EQ接受訪問！
林明禎認真得體！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
