阿Bie林呈風黑絲拍片帶睇樓！被封最索地產經紀、曾客串無綫劇做學生妹

林呈風黑絲帶團睇樓好吸睛

阿Bie近來改名林呈風，並拍片帶團睇樓，最近的「將軍澳篇」片段，林呈風以短裙黑絲現身，逐一介紹單位設計，不過網民目光完全不能離開其一雙腿上，更封她為「最索地產經紀」。

當自己屋企介紹 引死網民

片中阿Bie當自己屋企去介紹，指自己願望成真，終於有自己特式設計的屋企，方便日後帶一大班朋友返屋企開party，連最私密的廁所睡房都一一介紹埋，搞到網民好肉緊話：「阿Bie真係發咗達﹗」、「點解有男人衫嘅？」、「幻想到阿Bie平日嘅睡姿」。其實阿Bie只是以自身角度去帶團睇樓﹗

林呈風睇樓團：

「復出」TVB 拍劇演學生妹 網民：「因為錢冇咗個女神」

講起地產界女神，之前有報道指地產界又出咗一位「新女神」叫Chilli，形容她似新垣結衣同Angelababy混合體，睇真啲，原就係「熊仔頭」女郎阿Bie！轉行做地產代理，19年阿Bie一度「復出」幕前去咗TVB，現身劇集《解決師》飾演學生妹「沈琪」！

一齊睇下白滑阿Bie真咪真係網友講到咁索先！

曾被指是捲入蘇So婚姻的「白滑KOL」，阿Bie火速澄清，早年阿Bie在報道中有提到做地產代理是因為「幕前freelance收入唔穩定，想找一份收入穩定工作」，期望3至5年內買到樓，大批網友立即留言支持女神做地產：「搵錢大過天，做地產有機會發達」，仲話：「女神啊，如果我買樓，一家（定）要搵佢幫手」。

不過都有唔少人唱反調：「做地產嘥咗」、「低B，做地產使鬼去讀大學咩」、「錢作怪囉…仲有咩原因」、「佢都係博出位姐，要買到樓唔通個個都地代 ?」，更有網友指「地產X」，「會唔會有床單」。

討論區亦有巴打指：「貪錢唔係更加要做主播咩」

憑「熊仔頭」女郎彈起

阿Bie之前一直有在熊仔頭的Youtube片中演出，更因此由素人而為人認識。

熊仔頭女郎又點止阿Bie一個，左起：林小美、杜小喬、阿Bie、波波。