林作為師傅一句話 瞞母秘「娶」裕美激嬲阿媽

文：東方新地｜圖：裕美IG、林作IG、新傳媒圖庫

林作：我哋係有登記

今年9月林作與林母上蘇民峰師傅的玄學節目《搵陣》時，獲蘇師傅贈言，指這一、兩年是林作結婚最佳時機，當時師傅話：「最遲2022年頭，唔係就要十年後過40歲。」不過林母王莉妮一向不滿裕美，經常公開批評對方，有指今次林作秘娶裕美，連林母都被蒙在鼓裡，兩人結婚派對只有裕美母親出席。

林作回應婚訊

被問到與裕美結婚一事，林作否認，指兩人穿著婚紗和禮服只是為開「Dress Up Party」，但又承認曾和裕美在美國登記結婚，他表示：「呢個只係表達愛意嘅行為，如果你哋check一下，會發現美國唔同洲都有我個名，總之我依家呢一刻喺法律上係冇結婚，亦未有打算計劃結婚。」

裕美：心急會弄巧反拙

而裕美與林作同一口徑，表示著婚紗只是為開派對，她笑言：「結婚我冇乜所謂，又唔係未結過婚，哈哈！雖然我由細到大都好想有個完整家庭，但有時太心急會弄巧反拙，順其自然啦！」

裕美又直認與林母「唔係好熟」：「我哋傾過唔係好多次偈，當然你問我，我都希望伴侶嘅屋企人喜歡我，但呢啲冇得迫。」

被林作家人稱係「雞」

裕美自從同林作拍拖後，被林媽媽王莉妮多次公開批評出身卑微，更被拒絕嫁入林家門，二人關係勢成水火。日前裕美接受傳媒訪問，表示早已習慣面對各種的負面報道，可以一笑置之。但當中指她跟林作拍拖一心是想釣金龜，她就反駁指過去的男朋友沒有一個是有錢的，而裕美表示最傷害她的正是林作的屋企人，指林作全家人都對她有意見，更在家人的group chat內稱她係「雞」，令她覺得非常侮辱！

裕美受盡委屈，在訪問中含淚反擊林媽媽，質疑她處事雙重標準，指「林媽媽同樣是失婚、學歷唔高人仕」，大家都有相同經歷，點解可以睇唔起自己！

網友回應：「唔好離婚，放出來害人⋯⋯」

對於時常自行炒作話題的林作，網民對於這場「婚訊」鬧劇不感意外，甚至明言「結咗婚就好，唔好離婚，放出來害人⋯⋯」、「百貨應百客」、「希望白頭偕老」亦有網民表示「都唔知邊果時運低，邊果撞低邪..」

公開挑機想同林母鬧場大交

其實裕美在訪問中表示試過同林媽媽差點爆發正面衝突，起因是林母send短訊給她，內容是「那麼多男人不去黐，要黐他？」令她非常氣憤，於是去找林母當面對質，但當時林母卻不斷逃避又回避她眼神，然後直頭話返房瞓覺，雖然雙方未有爆發衝突，但裕美反而想狠狠咁同林媽媽當而鬧場大交，將大家所有不滿全部發泄出來！

裕美面形超進化

食完花生，回顧超 現實，話說近年除咗傅穎不斷外貌進化外，就連裕美都慢慢開始瘋狂進化！最近佢更變成超V煞面，下巴尖到啄得死人咁，真係差啲都認唔出裕美本人！

下巴越嚟越尖，雖然係靚咗，但望落就好似有啲膠，有網友就反而取笑佢：「勁大陸妹feel，依家削骨還夫咁款！」，亦有人話佢：「整到完全唔認得」！

不如同大家一齊重溫一下裕美初入行嘅樣啦！相信大家仲好記得初入行時嘅裕美除咗包包面外，面形仲方包咁濶，好cute cute。

做藝人個個都希望上鏡靚啲，睇落瘦啲，相信裕美都唔例外，之後入行幾年後覺悟，開始甩肉，包包面都冇咁脹。

除此之外，下巴仲開始出返嚟，仲越嚟越尖！

去到近年，裕美成個樣開始進化，仲唔至下巴變得更尖，就連面形都唔同咗，方字面都變埋！

驚現超V煞面

最近更變到下巴似啄得死人，咁大變化，唔怪得常言道：「女大十八變」啦！

林作撻著會考零分裕美斷正

其實18年裕美與老外男友Alex分手前，林作初次在飯局見面即主動出 擊、爛 gag 求關注又深夜短訊求交心，萬試萬靈老土舊招又得米。二人聲稱未發展前，已被本刊全程撞破相約在跑馬地撐完枱腳再結伴前往灣仔會友。

林作和裕美撐完枱腳去到停車場泊好車，二人終於發現鏡頭，猶豫於上樓定原車走人之間遲遲未能做決定。記者上前單刀直入問二人是否拍拖，林作全程哈哈大 笑，交畀裕美回答問題:「 乜你覺得我哋似拍拖咩?( 重複三次 )你唔係真係覺得我哋 兩個襯呀嘛!都話唔係拍拖囉!不如你哋問吓佢有幾多女先啦!」

二人拖拖拉拉十分 鐘才一鼓作氣落車上寫字樓，表示食完飯傾公事再由林作順路車裕美往灣仔見朋 友，睇佢哋尷尷尬尬又難掩喜悅表情，唔認拍拖都冇人信啦!

同10優港姐麥明詩分手後，前大 律師林作轉型成為藝人，還放開懷抱逢女即撩，前度麥明詩就話 二人雖然有聯絡，不過不會交流感情狀況。

06年會考成績只得0分，演藝事業發展亦保持暗淡無光，不過裕美入行以來緋聞多多，其中一個舊愛黃子恆日前爆出醜聞，裕美亦即時在 IG宣布與老外男友Alex分手贈興。

https://www.instagram.com/p/BpdL71PFOMN/

16年裕美被揭背夫搭上黃子恆，其後單方面宣布與林恩浩離婚同時被黃子恆斬纜;黃子恆在劇集《是咁的，法官閣下》與麥明詩一 段情備受注目，卻同時傳出搞大內地女 fans肚，加埋林作，四人關係千絲萬縷!

裕美驚爆背男友搭上林作

有人透露裕美同麥明詩前男友林作喺舊年拍攝時認識，林作見到裕美即刻起晒痰仲主動撩傾偈。裕美亦主動交換電話同IG兼主動msg林作，顯得好合拍。有指二人曖昧一年，裕美曾請林作做直播嘉賓時撻著，林作仲話要同裕美表白，嚇到裕美好驚畀男友見到。

林作喺直播時對著鏡頭講：「我今晚上嚟係想教大家一堂課，叫橫刀奪愛！」仲話阿媽教佢遇到鍾意嘅嘢就去搶，嘩講得咁明顯，係咪姐係想喺人手上搶裕美返嚟呢？點知林作竟然直接叫裕美同男朋友分手添！

林作仲喺社交網站發出一張同裕美嘅合照，嘟起個嘴仔，寫道：「我喜歡妳 #放心沒有人信」。裕美就唔知係甜笑定係尷尬笑喇……

情史一籮 有老公與黃子恆譜不倫戀

16年裕美跟老公離婚又黃子恆分手後，17年撻著意大利籍男友Alex，拍拖年多在社交網暗示分手，之後被追問原因，她聲稱移地戀難維繫一早預料到，而且要照顧母親致分手。

偷食藝人黃子恆搞婚外情 裕美：「搞緊離婚。」

有報道指裕美與吳若希過氣緋聞男友黃子恆關係匪淺，兩人齊到街市買餸，期間男方更主動攬實女方腰！親蜜關係不言而喻。兩人買完餸後就返到男方位於西貢的村屋，兩人夾手夾腳準備晚飯，猶如新婚夫妻般甜蜜，最後裕美更留低過夜！

據知裕美以往不時在網上分享與老公的合照，但近日已鮮有咁樣做，似係感情轉淡的跡象！

對此裕美就表示當日係假期，所以一大班人開大食會，同行亦有其他幕後人員。一行人大約在八、九點離開，佢並沒有留低過夜。佢又話自己正拍攝劇集《心理追兇》，雖然同劇沒有黃子恆，不過自己好多嘢唔識，要向對方請教。最後佢話唔會理其他人點講，正如有人話佢整容一樣，佢唔會去理。

之後被問到老公會否介意，裕美就驚爆已經搞緊離婚！佢話自己已單身半年以上，現在辦離婚手續，不過就唔回答是否出現第三者，只係話兩人性格出現問題，曾經試過挽救呢段婚姻，但最終都係解決不了。裕美話剛剛簽咗新經理人，會拍劇重新出發。