林作公開幫裕美搽豐胸cream被網民插爆 「師傅」陶傑鬼馬力撐？！

文：東方新地｜圖：裕美IG、林作IG、陶傑社交網、新傳媒圖庫

裕美疑真空上陣賣豐胸產品

早前聲稱靠自己做珠寶鑽飾生活搵錢而賺了第一桶金買樓的裕美，近日又有新搞作，今次連胸都出賣！裕美和林作日前分別在社交網出po，上傳親自試用豐胸cream的片段，只見裕美疑真空上陣，半裸背對鏡頭，露出整片白滑背部，然後裕美一聲令下，林作拿著豐胸cream現身，右手不停在裕美胸前搓來搓去，親自幫她搽豐胸cream，其中一段林作更以「用家」身份夾硬扯低女友件衫，裕美突然矜持急忙拉好上衣免得走光。

陶傑長文澄清與林作師徒關係

片段po出後，惹來網民熱議，紛紛指林作猥瑣，出賣女友；亦有指裕美為了賣廣告不惜出賣肉體好cheap云云，而林作的「哎吔」師傅亦發長文澄清：「我不得不嚴正聲明：『本人係林作大律師非正式人生通識師父，林作的才華横溢係 more or less 自己天生，近年我都要向佢拜師學返轉頭。何況佢嘅全職師父係大狀清洪。而且多年來向林作灌輸教育知識文化品味的，係牛津大學和哈羅貴族寄宿學校。』」借機澄清與林作非正式師徒關係，亦暗誇林作想法多多，比他更出色。

與裕美結婚 林作：我哋係有登記

今年9月林作與林母上蘇民峰師傅的玄學節目《搵陣》時，獲蘇師傅贈言指這一、兩年是林作結婚最佳時機，當時師傅話：「最遲2022年頭，唔係就要十年後過40歲。」不過林母王莉妮一向不滿裕美，經常公開批評對方，有指今次林作秘娶裕美，連林母都被蒙在鼓裡，兩人結婚派對只有裕美母親出席。

被問到與裕美結婚一事，林作否認指兩人穿著婚紗和禮服只是為開Dress Up Party，但承認曾和裕美在美國登記結婚，他表示：「呢個只係表達愛意嘅行為，如果你哋check一下，會發現美國唔同洲都有我個名，總之我依家呢一刻喺法律上係冇結婚，亦未有打算計劃結婚。」

裕美：心急會弄巧反拙

而裕美與林作同一口徑，表示著婚紗只是為開派對，她笑言：「結婚我冇乜所謂，又唔係未結過婚，哈哈！雖然我由細到大都好想有個完整家庭，但有時太心急會弄巧反拙，順其自然啦！」

裕美又直認與林母「唔係好熟」：「我哋傾過唔係好多次偈，當然你問我，我都希望伴侶嘅屋企人喜歡我，但呢啲冇得迫。」

被林作家人稱係「雞」

裕美自從同林作拍拖後，被林媽媽王莉妮多次公開批評出身卑微，更被拒絕嫁入林家門，二人關係勢成水火。日前裕美接受傳媒訪問，表示早已習慣面對各種的負面報道，可以一笑置之。但當中指她跟林作拍拖一心是想釣金龜，她就反駁指過去的男朋友沒有一個是有錢的，而裕美表示最傷害她的正是林作的屋企人，指林作全家人都對她有意見，更在家人的group chat內稱她係「雞」，令她覺得非常侮辱！

裕美受盡委屈，在訪問中含淚反擊林媽媽，質疑她處事雙重標準，指「林媽媽同樣是失婚、學歷唔高人仕」，大家都有相同經歷，點解可以睇唔起自己！

公開挑機想同林母鬧場大交

裕美在訪問中表示試過同林媽媽差點爆發正面衝突，起因是林母send短訊給她，內容是「那麼多男人不去黐，要黐他？」令她非常氣憤，於是去找林母當面對質，但當時林母卻不斷逃避又回避她眼神，然後直頭話返房瞓覺，雖然雙方未有爆發衝突，但裕美反而想狠狠咁同林媽媽當而鬧場大交，將大家所有不滿全部發泄出來！

裕美面形超進化

食完花生，回顧超 現實，話說近年除咗傅穎不斷外貌進化外，就連裕美都慢慢開始瘋狂進化！最近佢更變成超V煞面，下巴尖到啄得死人咁，真係差啲都認唔出裕美本人！

下巴越嚟越尖，雖然係靚咗，但望落就好似有啲膠，有網友就反而取笑佢：「勁大陸妹feel，依家削骨還夫咁款！」，亦有人話佢：「整到完全唔認得」！