觀塘音樂噴泉暫停開放！東方昇直播突襲7千人睇出浴惹爭議 被插捽梘液跣細路

撰文:東方新地 圖片:100毛直播截圖

最新消息：噴泉暫停開放、疑受梘液影響「嘔泡」

康文署在東方昇沖涼後兩日（4月26日）表示，由於池水「懷疑受梘液影響，而導致大量泡沫出現」，現已關閉觀塘海濱音樂噴泉，包括音樂噴泉及互動嬉水區，以排走池水及進行徹底清潔，噴泉表演亦將暫停，直至另行通告：

重溫！半億音樂噴泉開幕 東方昇實地考察：

政府耗資半億建成的觀塘海濱音樂噴泉於4月22日正式啟用，東方昇想早去早享受，在周末帶住「東女郎」以及沖涼用品前往，仲話要實地沖個涼，試吓噴泉水力夠唔夠勁。

東方昇進入忘我境界

現場有很多小朋友在玩水，東方昇的加入令現場氣氛變得高漲，東方昇更邀請小朋友為他擦身，又分派沖涼用品及玩具泡泡槍與民同樂。

東方昇吸引7千人睇直播

東方昇音樂噴泉當浴場，仲即場直播如此破格，吸引逾7千人睇，網民邊睇邊笑，不過亦有人鬧他冇公德心。

東方昇被驅趕

東方昇玩了大約十分鐘，滿身梘液都未洗得清，有康文署職員現身指他不能在噴泉當眾沖涼，東方昇與對方爭論，表示個噴泉自己有份出錢起，這時亦有在場市民不滿東方昇身上的梘液會跣親小朋友，東方昇見好就收，才決定離場。

林日曦兩度回應：「我哋都實撐佢嘅」

面對各方討論，東方昇在面書分享相關報導並表示「公德自在人心yeah 」。而其「老細」林日曦先是呼籲大家不要被轉移視線：

觀塘五千萬噴泉單嘢
個重點根本就唔係東方昇有冇用梘液
個議題應該聚焦在：
…點解東方昇成日露體？
可能我冇佢咁大隻啦
我就好反感喇

而在康文署公布噴泉要關閉時，林日曦再度出帖表示支持：

雖然我同啲同事真係好唔鍾意東方昇成日借啲意露Lin
但你哋放心啦…
萬一佢有乜嘢事嘅話
我哋都實撐佢嘅
唔講咁多喇
我去返part-time賺定啲錢先

親子討論專頁熱烈探討：有冇教壞人？

對於向來愛好瘋狂裸露的東方昇，網民都表示見怪不怪，有網友甚至指這是 「行為藝術」不過亦有真心家長在親子專頁表示此舉教壞細路，觸發熱烈討論：