東張西望｜林希靈與黃愷怡同日宣布離巢TVB 一個月走咗三個猛料主持
撰文：東方新地丨圖片：《東張西望》節目截圖、TVB《東張西望》截圖、藝人IG
林希靈經營自家食品
早前因為《東張西望》的「聾啞女」美華事件而一夜爆紅，更因為直斥女保安「你咁樣好冇人性喎！」林希靈更獲得「正義女神」之稱。但當大家以為她在TVB正值上位之際，她卻在2021年最後一日突然在IG宣布離開TVB：「多謝東張各位兄弟姊妹，我地就好似家人一樣每日並肩作戰，一齊出盡全力去做訪問，衝擊嘅日子，我一定會好好記住係心入面，呢段日子一定會係我人生入面其中一段最深刻嘅回憶。最唔捨得就係你地啦！」另一方面，林希靈亦透露自己會專心經營自家食品品牌，仲透露而家得閒，可以隨時搵佢開工咁話！不過都有唔少網民建議林希靈過ViuTV，因為佢男友陳安立都喺嗰邊！
黃凱怡誓要「衝破comfort zone」
而另一位「東張女神」黃凱怡亦都喺同一日突然在IG宣布離巢TVB，突然感謝《東張西望》一路以嚟嘅照顧，令佢獲益良多：
因為呢個節目，我體驗到好多社會上弱小社群一直被人忽略，大大小小嘅問題。
初初入嚟嘅時候，對我嘅衝擊其實好大。
好多時候都會接觸到一到啲平時自己生活上接觸唔到嘅事：滅蝨、「疫區」採訪、衝擊唔同受訪者、垃圾屋， 等等。
隨住我一路適應同感受呢個節目，我感覺到呢度台前幕後嘅戰友，都有一份使命感。
「盡做，無有怕」
揚言轉戰YouTube界
黃愷怡接受傳媒訪問時透露自己暫時是自由身，而且打算孖住另一位「正神女神」林希靈轉投YouTube界。她表示自己與林希靈在TVB經歷的幾乎一模一樣，同樣是《Think Big 天地》主持，之後又一齊加入《東張西望》，繼而又先後被稱為「正義女神」。問到去向方面，她透露雖然未有與ViuTV聯絡，但她和林希靈亦不排除有機會與ViuTV合作，仲大爆林希靈都想同男友陳安立同台演出㖭！
黃愷怡同林希靈命運共同體
到底黃愷怡同林希靈在TVB嘅遭遇有幾似呢？首先，兩位都係喺大學畢業之後參加無綫網絡電視「不得了人才招募」而入行，而且早期工作亦經常孖公仔現身。直至2015年1月，位亦一齊加入兒童節目《Think Big 天地》，成為節目的第一代主持，連同《Think Big 大明星》及《Think Big 遊學團》都係拍住上。到2019年，林希靈同黃愷怡亦先後加入《東張西望》做外景主持。2019年5月黃愷怡因為到中文大學訪問內地遊客而獲封「正義女神」；2021年11月，林希靈又因為採訪「聾啞女」美華事件被封為「正義女神」，而家連走都係一齊走，又話一齊搞YouTube，真係倒模咁款㗎！
黃愷怡守護母校中大獲封「正義女神」
黃愷怡在2019年5月份到母校中文大學採訪內地遊客到「天人合一亭」打卡的情況，當她遇見一名男遊客自稱因為「小紅書」介紹而前往打卡，仲當住黃愷怡面前展示英語實力解釋「小紅書」的英文為「Is a red book」。黃愷怡亦反應夠快，反過嚟問男遊客攝影構圖的「Inspiration」，豈料內地男遊客一時被問到口啞啞，黃愷怡忍不住笑言：「就是靈感。」該次「反擊內地遊客」的行為，當時曾經成為一時熱話，不少網民大讚黃愷怡成功用英文玩謝對方，為當時「淪陷」的中文景點爭返口氣，黃愷怡仲獲得過「正義女神」嘅稱號添！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
