東張女神李旻芳愛心爆棚 孭14歲愛犬行樓梯兼延後生B大計

原文刊於《東方新地》

視愛犬如家人，結婚照當然唔少得牠們。

愛犬年紀老邁 延遲生B照顧終老

日前李旻芳在ig貼出一張照片，照片中她揹著體型接近跟她一樣但行動不便的愛犬，提著大包日用品徒步走上樓梯，負重多少大家相信心中有數，李旻芳寫道：「只要我仲行得走得！我會一直帶住你哋同我一齊行！」

李旻芳在ig寫下感言：

我家狗狗今年14歲喇！

雖然行動開始不便，腳仔有時會唔夠力，

只係上落樓梯有時要我幫下手，但係都好慶幸年紀咁大仲行得走得！

仲係好為食好好胃口！依家愈老愈痴人！哈哈！

無論你喺邊都要捐窿捐罅直至身體可以掂住人先安心！好鬼可愛，只要我仲行得走得！我會一直帶住你哋同我一齊行，你哋要加油啊

愛心爆棚的她，原本與老公黃耀英有生B大計，但為了老邁的愛犬，決定延遲，先照顧愛犬終老。

《東張西望》有喜事！兩位主持李旻芳同黃耀英早前在西貢舉行婚禮，咪神李旻芳穿上性感婚紗出嫁，男方黃耀英就以冧爆誓言娶得美人歸，佢哋仲即場紋婚戒，結婚都潮過人啊！

李旻芳黃耀英人緣好 主持好友齊慶賀

無綫《東張西望》主持李旻芳（Lucy）和黃耀英（Darren）當日在西貢舉行婚禮，一班合作過的主持好友陳庭欣、陸浩明、陳貝兒、孫慧雪等出席見證二 人的重要時刻。

黃耀英搞鬼冧爆誓言：老婆係會打鼻鼾嘅凡人

當李爸爸把女兒交給Darren時，Darren便讀出愛的宣言：「你有天使臉孔、魔鬼身材，但瞓覺打鼻鼾時提醒我，你只係個凡人，都係要有人珍惜同愛護你，應承你吃晒菜梗留菜葉畀你、冬天會讓你先沖涼享用足夠熱水、會執起浴缸內啲頭髮，仲有屋企啲曱甴昆蟲我負責處理，愛係要用行動去表達，我會用一生去 證明畀你睇有幾愛你！」誓詞都搞鬼過人。

新人即場紋上無名指李旻芳痛到標眼淚水

唔單止咁，當律師宣布交換戒指時，在場親友見證下，請來紋身師即場為二人的無名指上紋上婚戒，禮成後，舉行非洲跳掃 把儀式，寓意大家一起跨過每一個難關、甘苦與共。祝百年好合，永結同心！