李璨琛慘遭被「娃娃兵」圍攻 與囡囡襯Hello Kitty 「父女裝」
撰文：Be｜圖片：lucy.is.good @IG、ilikesunday@IG
李璨琛與囡囡襯Hello Kitty 「父女裝」
Lucy的IG由媽媽梁志瑩（Pae）打理，差不多每日都有新相，非常勤力！今日又有一系列新相出爐，相中的李璨琛頭戴可愛大蝴蝶、花花頭飾，頸上有一大串珠鏈，更繫上一個「Hello Kitty」飾物，跟身穿「Hello Kitty」套裝的Lucy「襯到絕」，身為潮人的李璨琛，為氹「前世情人」開心，連形象都不顧了，真的是廿四孝爸爸。
李璨琛被「娃娃兵」圍攻
一身「Man爆」紋身的李璨琛，戴上頭飾、珠鏈、Hello Kitty後，成為了女兒和其他小朋友的「玩具」！被「圍攻」的他，拿著電話，不知是否正在「找救兵」呢？
Lucy媽媽在這則IG帖文就用「囡囡tone」留言：「咦，爸爸，你快啲除咗個Hello Kitty鏈佢啦，我有好多friend喺度㗎！#噁心#嫌棄#爸爸你唔好咁啦#hellokitty父女裝#仲唔係愛」
肥嘟嘟、超可愛的Lucy不經不覺已經一歲半，對比半年前一歲生日的她，真的長大了不少呢！
1歲生日蛋糕燃點「煙花蠟燭」李璨琛囡囡以為爆炸，結果⋯
李璨琛（Sam）同太太梁志瑩於2012年結婚，去年更誕下囡囡李元元（Lucy），Lucy仲喺社交媒體中爆紅，成為網民新寵。唔經唔覺，Lucy話咁快就一歲啦，呢日Sam仲幫Lucy搞生日Party！雖然早前Lucy病咗，但佢喺Party度都依然十分精靈可愛，唔少人都爭住要抱佢！
撰文：Kammy（原文刊於：SundayKiss）｜圖片來源：Instagram
李璨琛囡囡1歲生日
唔少明星喺近年都逐漸願意公開自己仔女嘅相，有啲仲幫仔女開Instagram account，同大眾分享生活一點一滴！喺眾多星二代BB中，李璨琛囡囡李元元（Lucy）更喺社交媒體中爆紅，成為網民新寵。呢日李璨琛兩夫婦幫Lucy搞一歲生日派對，仲邀請咗多位親朋戚友出席，場面十分熱鬧！壽星女Lucy雖然早前病咗，但好在喺開生日會前已經痊癒，Lucy喺Party當日仲十分精靈𠻹！
壽星女Lucy披上寫著「I’m One！」嘅彩帶，頭上仲戴著寫有「Birthday Girl」嘅后冠，成個小公主咁超可愛，唔少賓客都爭住要抱佢！
囡囡望住蠟燭目瞪口呆
爸爸李璨琛亦全程抱住囡囡，喺吹生日蠟燭時，Lucy更眼都唔眨咁望住！
其後，Lucy媽媽更不忘搞笑本色，喺Instagram上以Lucy角度回應嘅囡囡反應，表示「係（喺）我角度，前面嘅景象，就好像宇宙大爆炸咁……」，超搞笑！
當日Lucy嘅生日Party仲係三代同堂𠻹，雖然Lucy一直喊緊，但Sam媽媽抱住孫女笑到見牙唔見眼！
Party過後，Lucy仲喺自己Instagram度出Post，指自己生日願望係希望可以再瞓少啲、「#今晚可以初嚐（嘗）一滴檸檬茶🤤」，真係十分得意！喺度祝Lucy生日快樂！
李璨琛同囡囡「元元」碌碌減肚腩
李璨琛依家有女萬事足，一有時間就留喺屋企陪呢位前世情人Lucy。最近，佢更喺社交媒體發布一段同元元健身嘅片段，短短一日已經吸引接近三萬人觀看，真係好勁呀！
短片內容為囡囡喺家中客廳陪爸爸健身，兩父女一齊減肚腩！片中元元努力配合正確姿勢，陪爸爸減肥嘅樣真係可愛至極，難怪一眾粉絲都被元元迷倒！爸爸李璨琛仲留言：「Lucy都覺得自己個肚腩仔越來越大所以都要跟爸爸做下運動先#郁together」
元元爆紅秘笈
李璨琛自從成為爸爸後，就大方與大家分享囡囡照片。太太梁志瑩（Pae）更加於社交媒體為囡囡開專頁，憑著面圓趣怪的樣子瞬間爆紅，吸引近四萬名粉絲。
鬼馬Caption 元元變洪金寶
除咗有元元嘅圓咕碌身材，元元爆紅專頁仲有媽媽嘅鬼馬旁述加持。每一張元元嘅趣怪相片下面都充滿媽媽嘅嘲諷，其中最搞笑莫過於直稱自己囡囡為洪金寶。
最近冇練15 20啦，轉咗練佛山無影手#洪金寶之夢#蘑菇
另外，李璨琛晒相話元元個樣似洪金寶，相中元元唔知望咩望到好入神，仲「擘大個口得個窿」，老竇不時都搞笑用「元美」、「狀甚似波」形容阿女，惹笑網民。
媽媽搞笑製圖 留下囡囡「蝦碌」回憶
直呼自己囡囡做洪金寶都未算誇張，媽媽仲為元元製作唔同嘅表情符號貼圖，令各位粉絲捧腹大笑。不過，未知元元長大後可唔可以冷靜面對媽媽留下嘅幽默呢？
十大鬼馬Caption
我嘅志願係保衛地球#堅定的眼神#嗰個煎pan
媽媽話我條腿算係全宇宙最修長㗎喇#儀態萬千#元美體態
用力眨眼叫自己保持振作#頂住呀肥LU#絕對不會輕易放棄手上嘅玩具#梗係玩咗先啦
媽媽話條裙成三十幾蚊，雖然唔係好襯我，但話晒年初一，都着下啦 #祝大家財元滾滾來
每一次眼瞓，我都以為係世界末日 #難受啊
元元我真係好慘呀，扯極爸爸佢都唔敢落嚟同我玩 #懦夫 #留意返爸爸條手筋 #頑強地抵擋着 😂
每當夜幕低垂，聽到媽媽說要睡覺這兩個字；人，頓時失落起來⋯ #有感而發 #擰歪面 #扮睇媽媽唔到 #就以為媽媽真係睇我唔到
我聽日想試下再樣衰D
食咗阿媽買嗰D下價cheap cheap士多啤梨，酸到我呢 #表情異常痛苦 #whysocheap #許冠文
從來都冇講過自己鍾意聖誕老人 #根本係媽媽自己想影 #狀甚痛苦 #不安 #後面嗰條長毛怪
李璨琛囡囡8個月 流著口水嗌爸爸
相當搞笑！早前李璨琛喺社交網分享咗一段Lucy嗌爸爸嘅片段，片中見Lucy面珠脹卜卜，仲口擘擘流晒口水咁不停嗌「爸、爸、爸」，相當搞笑！聽到寶貝女第一次嗌爸爸，老竇當然開心，但都不忘取笑阿女噴口水：「第一次聽到你叫爸爸的我表示很開心，但可不可以唔噴咁多口水呀Lucy#第一聲爸爸」
李璨琛 潮男甘願為女兒改變
想當年的潮界男神今時今日已經成功變身成為顧家男。外表愛玩、不羈的李璨琛，原來是一個愛家、專一男，更在前世情人李元元誕生後，報班上堂學做新手爸爸，超級有愛！
李璨琛經常喺社交網大晒女兒得意相，仲好有心思咁為每一張照片配上「搞笑」對白，慈父樣出晒嚟！
一向型爆嘅潮爸李璨琛，都甘願為女朝聖Baby Shark。
李璨琛首次為囡囡沖涼
早前梁志瑩在社交網上放出一張囡囡的「出浴照」，並用星星圖案遮住囡囡嘅身體，又大爆老公係第一次幫囡囡沖涼咁話。相中可見元元眼定定咁望住爸爸，畫面有趣。
李璨琛囡囡鬼馬吹口哨
其實佢哋兩公婆亦不時上載囡囡的BB相上網，相中睇到元元細細個就已經非常趣致，佢已經識合埋雙眼，口形更好似扮緊吹口哨咁，認真鬼馬～
李璨琛歡喜囡囡
李璨琛嘅囡囡早前出世了，他於Instagram貼上女兒的小手，並宣布「Welcome to this world my sweet！」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
