視后李佳芯被飛！黃翠如臨危受命頂上、與高海寧齊齊為《七公主》變髮
原文刊於《東方新地》
李佳芯被飛！黃翠如臨危受命頂上
各位粉絲少安無躁，其實翠如一直有拍劇從來冇停過，三部長劇排住隊等出街，除咗下個月首播嘅《 那些我愛過的人 》，以及未播映嘅《 使徒行者3 》，仲有上周剛剛為新劇《 七公主 》正式開鏡。
講開《 七公主 》，係無綫少有電視劇以女性為主打，係講顧家四姊妹同另外三位不同年齡女性奮鬥和感情故事，而翠如就係顧家大家姐顧靈珊，家有二妹青桐（高海寧飾）、三妹語嫣（林夏薇飾）同四女雙兒（江嘉敏），加埋劉佩玥、鄺潔楹同陳曉華咁就為之七公主喇，原本屬意李佳芯演的大家姐角色，由翠如補上，可以繼續休息！
與高海寧齊齊為《七公主》變髮
唔好以為翠如嫁咗人就冇晒鬥志印印腳至得㗎，為套劇翠如要剪去留咗多年嘅長髮，仲要郁啲每場戲就背十頁紙台詞扮剛強女律師，認真唔簡單！除咗翠如，高Ling都有新造型見人，今次剷晒青打扮中性，喺劇中既是貨車司機又係網絡小說作家，仲會同陸永發展感情線，係唔係配搭新鮮過頭有啲難以想像呢。
李佳芯連續四劇被飛 新劇《殺手》播出無期
被指因網上言論表露政治取態的李佳芯（Ali），走紅後被指經常違抗公司指令，據悉無綫已決定放棄她，寧願捧聽話花旦。昔日在無綫劇接劇的她被拉下馬，四部劇被飛，除了三套續集作《踩過界II》、《 BB大晒》及《白色強人II》冇得留低，下月開拍的《七公主》，原本屬意她的女一角色，亦改由黃翠如頂上，連續四劇被飛走！
配角捱上做主角憑《 BB來了》坐正做視后
12年底由有線過檔到無綫發展的李佳芯，由配角捱上做主角，得高層加持機會多多，擔演的角色皆大有發揮，17年憑《踩過界》蒲精法官角色上位，同時奪走《星和無綫電視大獎2017》及《 TVB馬來西亞星光薈萃頒獎典禮2017》兩個海外女主角獎，18年再憑《 BB來了》坐正做埋TVB視后，炙手可熱吸盡人氣及財氣。
「推劇」激嬲高層 黃翠如唔止一次臨危受命
不過，走紅即心高氣傲，李佳芯曾一度為了在聖誕及新年檔期賺快錢，反口推劇激怒無綫高層，當時無綫要出動愛將黃翠如臨危受命，頂她拍《那些我愛過的人》，雖然最後Ali大步檻過，獲無綫網開一面，繼續有機會擔大旗拍重頭劇《殺手》及《愛美麗狂想曲》，可惜禍不單行，早前被指網上言論表露政治取態，被TVB雪藏，觀眾緣和人氣急挫，近幾個月幾乎絕跡無綫熒光幕。
無工開平價開餐 觀塘橋底約友人訴苦
無工開的日子，記者攝得Ali一個人駕車外出，到觀塘會合朋友歎Tea。被 「放長假」的Ali，另一日一個人駕車外出，到觀塘會合朋友歎Tea。不過，Ali全程愁眉苦臉，對友人喋喋不休，似在訴苦：
李佳芯四劇被飛 換黃翠如做《七公主》女一
不過當工作急煞停，連月來坐冷板凳的她亦開始洞悉事業危機。據知已被無綫送入雪櫃的她，除了《 BB大晒》、《踩過界II》以及年底開拍的《白色強人II》冇得留低，下月開拍由陳維冠（Joe）監製的《七公主》，原本由她擔任女一角色，亦轉由形象好的黃翠如頂上。
台慶檔劇集《殺手》亦抽起 播映無期
據知情者透露：「一路以嚟，阿Joe畀好多機會Ali，好似《誇世代》、《殺手》都用Ali孭重飛，上年Joe籌備開拍《七公主》，一直屬意搵Ali做第一女主角，不過當時Ali已經定咗會拍《 BB來了》續集《 BB大晒》，套劇同樣定喺今年三、四月開拍，阿Joe為咗遷就Ali，都專登將《七公主》延後至六月開等佢，不過公司要將Ali入雪櫃，就連上年台慶檔被抽起嘅《殺手》，到依家仲播影無期，阿Joe最後被迫放棄，決定將《七公主》女一換咗聽話又有觀眾緣嘅翠如擔正。其實初頭，Ali諗住自己當紮，都唔係好信自己真係會被雪，直到四套劇都被飛，佢先知係咁嚴重！」
