40歲李佳芯外遊拍節目被粉絲捕獲無濾鏡近照勁靚女！

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Jun 27 2023

TVB人氣花旦李佳芯（Ali）憑甜美外貌加上精湛演技，一直深得觀眾和網民喜愛。近日有馬來西亞粉絲就野生捕獲李佳芯同黎諾懿拍節目，拍下Ali近鏡無濾鏡嘅靚相，仲大讚係「人間美少女」。不過出名脾氣好嘅Ali，當日竟然因一事皺眉嬲嬲豬，睇到粉絲們都非常心痛！

40歲李佳芯親民同粉絲合照獲讚「人間美少女」

李佳芯在馬來西亞被粉絲野生捕獲，粉絲們要求合照都冇托手掙，非常親民。從粉絲們所上傳嘅無濾鏡近照中可見，已經40歲嘅Ali依然靚爆鏡，臉仔細細，身上亦毫無贅肉，keep得非常好。網民都紛紛留言大讚，更稱Ali為「人間美少女」。

李佳芯無濾鏡李佳芯 Ali好親民咁同馬來西亞粉絲合照，零濾鏡都好靚！ — Ali好親民咁同馬來西亞粉絲合照，零濾鏡都好靚！（圖片來源：小紅書@961909247）

李佳芯無濾鏡李佳芯 Ali雖然已經40歲，但身上依然毫無贅肉，keep得好好。 — Ali雖然已經40歲，但身上依然毫無贅肉，keep得好好。（圖片來源：小紅書@961909247）

李佳芯無濾鏡李佳芯同黎諾懿影合照都好有機心咁企後啲 — 同黎諾懿影合照都好有機心咁企後啲（圖片來源：小紅書@961909247）

現場因一事皺眉嬲嬲豬

不過出名脾氣好嘅Ali，當日始終不敵馬來西亞高達40度嘅炎熱天氣，一度喺等埋位嘅時候皺起眉頭、唔出聲。網民見到Ali神船長袖衫拍攝都忍唔住戥佢覺得熱，仲話Ali夠敬業，喺酷熱天氣下拍攝都能夠保持笑容。

李佳芯無濾鏡李佳芯馬來西亞當日成40度，但Ali都著長袖衫拍攝，惹到冇曬表情。 — 馬來西亞當日成40度，但Ali都著長袖衫拍攝，惹到冇曬表情。（圖片來源：小紅書@可達鴨）

李佳芯無濾鏡李佳芯皺眉都靚一靚。 — 皺眉都靚一靚。（圖片來源：小紅書@可達鴨）

閒時修讀情緒管理網民大讚：人美心善

李佳芯Ali日前出席myTV SUPER七周年活動時，透露以往拍劇時曾受到情緒困擾：「以前拍劇會畀好大壓力自己，自己要求高，成日覺得做得不好，冇自信，容易緊張，拍喊戲喊唔出，拍完就爆喊。」所以在休息期間對情緖健康有所研究，並且修讀相關課程，希望自己能夠自己所學的知識，去幫助圈內外的朋友，網民都大讚李佳芯人美心善，肯將自己所學幫助身邊的人。

李佳芯無濾鏡李佳芯 Ali喺休息期間修讀有關情緒管理課程，仲話希望將自己所學幫助身邊朋友。 — Ali喺休息期間修讀有關情緒管理課程，仲話希望將自己所學幫助身邊朋友。（圖片來源：IG@aliaime）

問口恨拍《智能愛人2》

早前以代言人姿態現身myTVSUPER7周年活動的李佳芯，已獲無綫安排新工作，有指被逐步解凍，不過去年曾有消息指她將擔任劇集《慾》的女主角，預告片亦已出街，最後劇集不了了之，李佳芯接受傳媒訪問時表示：「劇集有時涉及係預算、人、故事要完整，公司對內容要求高，變化會大啲。原本3、4月會開拍，依家可能改到年尾。」李佳芯開到口講恨拍《智能愛人2》，而且準備好隨時入劇組，「有聽過會開拍《智能》續集，不過都係只聞樓梯響，一切等公司安排，我都好想再拍，始終阿寶呢個角色對我好重要。」

李佳芯無濾鏡李佳芯李佳芯狀態大勇，在自己代言的巴士前擺po合照。 — 李佳芯狀態大勇，在自己代言的巴士前擺po合照。（圖片來源：無綫影片截圖）

李佳芯無濾鏡李佳芯李佳芯在巴士上與大班粉絲合照。 — 李佳芯在巴士上與大班粉絲合照。（圖片來源：無綫影片截圖）

李佳芯無濾鏡李佳芯李佳芯表示將會主持一個同健康有關的新節目。 — 李佳芯表示將會主持一個同健康有關的新節目。（圖片來源：無綫影片截圖）

增值自己搣甩魔音

現時的李佳芯變得好積極，她坦言無時無刻都在裝備自己、為自己增值，這幾時疫情她都keep住上堂學唱歌，笑言已不再是魔音：「我已經升級做『魔魔音』，魔音留番畀啲新人。」此外李佳芯仲話自己每日忙不停，既要學打網球，又要進行聲音訓練等。

李佳芯無濾鏡李佳芯李佳芯冇劇拍一年，曾諗過轉型做幕後，去年兼任監製、導演、編劇、主演微電影《絆》，為慈善機構「賽馬會耆智園」宣傳腦退化症。 — 李佳芯冇劇拍一年，曾諗過轉型做幕後，去年兼任監製、導演、編劇、主演微電影《絆》，為慈善機構「賽馬會耆智園」宣傳腦退化症。（圖片來源：IG@aliaime）

李佳芯無濾鏡李佳芯李佳芯突然被安排做主持，去年主持《夢中‧情‧人》。 — 李佳芯突然被安排做主持，去年主持《夢中‧情‧人》。（圖片來源：IG@aliaime）

網民強烈要求李佳芯解凍

網民對於李佳芯有望出雪櫃都非常支持，有人留言表示「有Ali一定捧場」、「淨係鍾意睇Ali」，亦有人大鬧無綫又要雪Ali又要佢出來做宣傳，好衰囉！

李佳芯衰敢言被雪藏

40歲的李佳芯，因為性格敢言，在無綫雪藏名單榜上有名，12 年轉投無綫後開始演員生涯，一開始多演情婦與邪花角色，16 年勇奪「飛躍進步女藝員」，兩年後更憑《BB 來了》首奪視后，至19 年疑因被捲入政治風波而遭到無綫雪藏，拍完《殺手》及《愛美麗狂想曲》後再無接拍新劇，之後《踩過界 2 》、《白色強人 2》、《寶寶大過天》、《星空下的仁醫》等劇集更被換角。去年李佳芯只有《有種好男人》一劇，其後被安排去做主持節目，近月見她生活清閒，似乎真係冇工開。