李佳芯Ali被勸轉型出Deep V寫真集 買樓夢要再等X年

文：東方新地｜圖：節目影片截圖及李佳芯、吳沚默IG圖片

李佳芯 40歲行鼻運

節目一開始李佳芯第一個想問師傅楊皓雲的問題就係：「我想問吓我幾時買樓？」睇得出她對置業問題非常著緊！楊皓雲師傅指女性買樓要睇個鼻，因為鼻為財星，師傅讚李佳芯整個五官來講鼻係最靚，所以只要她一踏入鼻運，就適宜買樓投資。

李佳芯再追問鼻運係幾歲到幾歲？師傅答40至50歲，而今年李佳芯38歲，想買樓仍要等兩年。不過師傅又指如果只是想住得好、睡得好，現在買樓都無問題。

吳沚默 33歲嫁得

現年30歲的吳沚默就較為關心自己的姻緣問題，問師傅她幾時可以結婚？師傅答她命格屬「乙木」，是花草樹木，一定要見到太陽才能盛放，等到33歲就會遇到好姻緣可以結婚。

Bob（林盛斌）提到李佳芯和吳沚默都分別推出過自己的作品，李佳芯是在去年推出了散文集《心之所往》，吳沚默則是在前年推出了小說《看見風暴的女孩》，Bob問師傅她們的命格是否適合做作家？師傅只指出了吳沚默命格屬「乙木」，要見水才能盛放，而水代表文昌，亦代表書，所以她在今年和明年出書都非常有利。

而一講到結婚，李佳芯一開始話「完全唔擔心」，之後又笑住補充：「係冇咁擔心啫！」之後又話反而想知道事業方面的運程，師傅表示她正在行眼運，指她雖然有一對大眼，但有時會收藏起自己，需要「破舊立新」，這樣她在未來的命運才會更加好。

李佳芯問「破舊」是要她做些新嘗試？師傅答要和平時不同，例如拍戲、做節目時都要使用和平時不一樣的做法、手法甚至說話的方法。Bob補充可以嘗試做一些新角色，李佳芯笑指最近已拍了一個新角色，就是在新劇《智能愛(AI)人》扮演機械人。

師傅卻補充說所謂「破舊立新」，需要李佳芯做一些和平時很不同的事，例如出書、寫作，或者做網上生意等，而不是做回自己老本行，Bob立刻提議她推出寫真集，李佳芯笑問：「係咪即係突然間著晒Deep V咁出嚟，唔再樽領？」Bob再勸：「要試新嘢嘛，知唔知道呀？」

吳沚默亦有問事業運，師傅指她正在行30歲運，即眉尾對上位置，要記住做生意一定要同人合作，千萬不可以獨資，他又說吳沚默本身亦喜歡和人合作，所以只要搵到合適的對象，即可投資、做生意。