李丞責預告2生肖藝人今年行大運 建議呢個月份唔好外遊！
廣告
踏入蛇年，唔少人都對今年嘅運程十分關心。堪輿學家李丞責今日（6日）出席活動後接受訪問就大談蛇年運程，除咗建議大家於指定月份出遊要謹慎外，更預告埋今年娛樂圈2大生肖藝人會行大運！
李丞責建議呢個月份避免外遊
李丞責師傅接受訪問時表示蛇年災星在東北位，而東北最直接指向則係韓國，網上盛傳日本等地嘅影響相信不及韓國大，不過日本就會以北海道以上位置需要留意。李丞責亦稱：「新曆9月之間、農曆8月，嗰段時間出遊就要謹慎小心」不過亦直言「如果可以的話，嗰段時間留港消費多啲，應該就更加安心。」更透露化解法方法則係：「少出門係會好啲嘅。」
李丞責預告2生肖藝人今年行大運
除咗外遊要注意嘅月份外，李丞責師傅亦表示：「今年無論係歌手、歌星、演唱會都會大行其道，同埋好受歡迎。」而屬鼠以及屬雞嘅藝人今年更係十分有運行：「屬雞嘅人今年應該喺娛樂圈就更加順利或者更加有利」、「（屬鼠）攞獎同得獎，甚至乎封帝、封后嘅機會大啲，所以屬鼠都係幾順利嘅。」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Viu1hk圖片、ig@michellewsn、
