《反黑英雄》朱晨麗箍頸戲逼真到導演都狂讚 做漏1事搞到命懸一線！
廣告
TVB劇集《反黑英雄》昨晚（24日）首播，以警匪為主題的劇集包含咗唔少動作場面，首集就已經十分震撼，睇到唔少觀眾都表示超級刺激！昨晚的焦點莫過於朱晨麗與李善恆的打鬥場面，而朱晨麗仲大爆拍攝時的驚險故事！
朱晨麗與李善恆激烈對戰
昨晚（24日）一集，飾演反黑Madam彭穎琪的朱晨麗（朱朱）大晒好身手，她與飾演毒品拆家周龍的李善恆的一場埋身肉搏戲相當搶Fo！二人拳來腳往激戰一輪後，朱朱即大晒「過肩摔」將大隻仔李善恆撻爆玻璃；大隻仔之後反擊將朱朱擒獲、將其整個人抱起兼猛力撞向天花板，力度之大令假天花也被撞至粉碎。之後大隻仔乘勢追擊，手執電線用力箍實朱朱頸頭之餘，又猛力扯朱朱頭髮將其拖行，幸好就在最危急關頭時，山聰及時趕到將李善恆擊斃。談到在劇中打戲連場，朱朱受訪時坦言是一大挑戰：「第一次演戲畀人打，因為之前都係做啲比較好打嘅角色，但今次啲對手全部都係重量級，好勁、好打得！知道要接呢個角色後，我都有特別去操Fit啲自己，武指同導演都好錫我，知道我係舞蹈員出身，特別設計咗啲我比較擅長嘅動作畀我，等我打得靚啲之餘，觀眾都睇得好爽。」
朱晨麗談戲中挑戰
談到與李善恆激戰戲，朱朱透露箍頸、撞假天花等都是後來加插的：「佳導睇咗第一次拍攝後，覺得呢場戲有好多細節位可以拍得精彩啲，所以拍咗第二個版本，加咗啲箍頸、撞天花板同埋一嘢揈落牆呢啲動作。」朱朱續指為求呈現最真實畫面，很多動作都是親身上陣，並透露拍攝被箍頸戲時險生意外：「我其實出現咗失誤，原本我係要好快咁伸隻手指入去條電線度，等佢唔好箍得咁實，但係嗰吓我失誤擺唔到隻手指入去，當時我又嗌唔到出聲（示意失誤），標晒眼水咁，同條脷係好自然咁樣伸咗出嚟，大家都唔知我失誤，以為我係演緊戲，好彩最後都冇事，導演都話嗰一Take係最好！」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
