朱晨麗心痛男友拍劇被活埋 同何廣沛隔空放閃

撰文、圖片：東方新地

朱晨麗婆婆離世勁傷心暫留蘇州陪家人

連日來為婆婆身後事奔波嘅朱朱表示已送婆婆最後一程：「婆婆身後事搞好晒，係好傷心難過，唔捨得，但都唔及我媽咪，所以呢段時間成日陪住佢，陪伴係最貴重嘅禮物，尤其係屋企人，咁啱我未開新劇，所以呢排都會留喺蘇州。」

心痛「男友」拍劇被活埋 同何廣沛隔空放閃

人在內地，但仍心繫香港，皆因朱朱同緋聞男友何廣沛有份演出嘅無綫 新劇《大醬園》正在播出，朱朱每日都好緊張喺網上為劇集宣傳。男友何廣 沛都唔弱，仲將自己喺劇中被活埋一幕嘅真實拍攝情況po出同大家分享，佢 話當時要彎住腰踎入坑幾粒鐘，全身噴上多層蚊怕水，搞到個嘴赤赤痛不特 止，仲令全身肌肉痠痛㖭！何廣沛話好在啲蛇蟲鼠蟻識搵路走：「起碼拍攝過 程中，我眼前近距離見到好多螞蟻經過都掉頭走，一切都係值得嘅！」朱朱心 疼男友，即隔空傳情大讚對方：「吃得苦中苦方為人上人，專業！」互相隔空 扶持，好sweet囉！