聲生不息｜曾比特爆紅不知所措 童年原來超自卑 留爆炸頭背後有段故
曾比特火速爆紅感不知所措 微博粉絲超過50萬人
曾比特於《聲生不息》藉著歌唱的實力和可愛的外表，成功打入內地市場。近日他在《舊日的足跡》中解釋自己之所以在音樂節目中演唱《初戀》，全因當年周星馳於電影《食神》中穿着學生裝並配以這歌曲的畫面，令他印象難忘。
節目首集至今只是短短的幾星期時間，他的「爆炸糖（其粉絲暱稱）」人數急增，微博到截止目前為止已經破50萬名粉絲，人氣爆燈。為了感謝各界對自己的支持和喜愛，他在微博一連上貼多張有型的照片答謝粉絲：「哇哦！我的爆炸糖突破40萬囉，你們厲害！感謝大家對我喜歡，被我眼神鎖定的會是哪一個呢？說好要一直支持我啊！」對於突然走紅，他說：「我唔覺得紅定唔紅，我無太大概念。我最想戴住頂帽去旺角買格仔餅食。我只係一個普通人。如果要用四個字嚟形容就係『不知所措』嘅感覺。」他表示自己都十分掛念香港的「爆炸糖」，希望能盡快見面，無論身處何方都感受到他們給予的愛與包容。
MikE曾比特）
MikE曾比特）
MikE曾比特）
MikE曾比特）
MikE曾比特）
MikE曾比特）
一眾「爆炸糖」都湧入偶像的微博於帖文下留言表示會一直支持他，更希望他會開直播派發福利。
MikE曾比特）
MikE曾比特）
MikE曾比特）
曾奪冠仍感自卑？因媽媽才參加造星
曾比特於19年參加ViuTV選秀節目《全民造星II》，雖在比賽中只取得第八名，但得到節目導師之一Eric Kwok的賞識及提攜而入行。其實他從小就非常熱愛唱歌，中三曾獲得「全港中學校際歌唱大賽」的冠軍，但因自己的外表「唔靚仔」，更認為自已身材而失去自信。
曾比特更坦言當年參加《全民造星II》，亦有很多考慮因素，最後因為節目帶給他熱血的感覺而決意參加：「我參加呢個節目唔係因為姜濤效應，而係節目畀到我一份熱血嘅感覺。」當日，曾比特坐在公司電腦前沉思了一個小時加上媽媽的支持，就決定報名：「填表後再諗多一個鐘先決定『算啦send啦 』。其實我媽媽一直都鼓勵我放心去做，唔好太介意結果。我哋屋企唔習慣講好多嘢，但就總會感受到佢（媽媽）嗰種鼓勵咁已經足夠！」
被陳奕迅肯定實力 不敢被譽為Eason接班人
曾比特因為參加《全民造星II》時挑選陳奕迅的高難度歌曲《浮誇》，而獲得評判一致高度讚賞，被外界譽為陳奕迅接班人。對於這個稱呼，他坦言會做好自己，希望可以達成目標，大眾可以從他的歌聲得到共鳴：「我當然好多謝（讚賞），但係做接班人我好驚。覺得作為一個歌手，做好每一首歌，一切由心出發已經好足夠！」
同時，他表示自己十分欣賞陳奕迅，認為他是個多方位的藝人，為人友善風趣：「我哋第一次喺公司見面時，佢化緊妝，當時我好緊張， 偷睇佢，佢同我講聽過我唱歌，話我唱得好，叫我繼續努力。」
VocoMaster Karaoke截圖）
VocoMaster Karaoke截圖）
感激媽媽支持 渴望紅館開個唱
曾比特指媽媽一直支持他放膽去追夢，不要介意結果，所以他認為早前能夠推出首張個人大碟，成功圓夢，媽媽的支持實在功不可沒，所以曾比特從長沙回港後就會立刻去買一張屬於自己的唱片送給媽媽：「我去買，因為台前幕後都付出咗好多，所以我自己都要出番一分力去支持！」另外他亦有提及其歌唱老師馮夏賢，希望可以看到他在紅館演出：「我嘅歌唱老師話希望可以喺紅館坐第一排睇我唱歌，呢個亦都係我嘅願望，係一個指標、一個肯定。幾時可以做到？我都想愈快愈好！」
天生「爆炸頭」遺傳自媽媽 從覺得麻煩到喜歡
曾比特除了一個動聽的聲音之外，非常有標誌性的髮型「爆炸頭」亦令人十分難忘，這個非常客易令人認出的標記，原來是遺傳自媽媽，全家人只有媽媽和他是天生「鬈毛」。曾比特對此自己天生的「鬈毛」感到麻煩多於喜歡，所以從小時候到中學都把頭髮「剷青」，長大了才留長髮，想不到這個麻煩的「爆炸頭」會為成為自己的標誌，他亦用了一段時間才接受到，更表示希望「爆炸頭」可以保持到60歲。
爸爸早逝感遺憾 希望被他接放學
曾比特早前因節目《聲生不息》的關係與林子祥合唱《單車》，歌曲講解父子情，令他想起去世的爸爸：「爸爸喺我10歲時走咗。我5、6歲先由汕尾到香港同家人團聚，期間四年爸爸好忙，大家見面唔多。學校職員帶我去醫院，我唔知發生乜嘢事，喺的士上我唔明佢講乜嘢：『無事無事』，去到醫院就見到媽媽同姐姐喊到死去活來，原來爸爸已經走咗……」他再補充：「我最難忘嘅就係我喺汕尾讀咗一個學期嘅一年班，喺香港再重讀幼稚園。當時我最希望爸爸接我放學，因為佢會一手抱起我騎膊馬，好高，好開心，跟住我哋會去行吓商場……。」
身處異地的他表示自己十分掛念家人，更想跟在天國的爸爸說自己一切安好，做着喜歡的事情，朝着目標進發，請爸爸不用擔心。
28歲望盡快成家立室
現年28歲的曾比特，因參加節目《聲生不息》需要長沙拍攝，要跟拍拖差不多六年的女朋友暫時維繫異地戀，但亦無損二人的感情，更坦言想盡快結婚：「我哋喺教唱歌嘅時候認識，依家感情愈嚟愈好，梗係要畀安全感佢。溝通好重要，為咗畀定心丸佢，我買咗部琴喺酒店練習，基本上我大部分時間都喺酒店房間。我哋拍拖差唔多六年，我希望盡快結婚，但諗起而家只係事業起步階段，必須考慮將來嘅生活。我喜歡佢因為佢唱歌好好聽，無論生活上、舞台上佢都係一個好charm嘅人，成日都有一個好吸引人嘅笑容。我鼓勵佢參加比賽，但係佢好怕醜。」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
