獎門人

盤點獎門人歷代助手！曾志偉愛揀落選港姐當紅小生原來曾做阿四？

Mar 12 2021

廣告

曾志偉最近動作多多，早前仲話有計劃重新製作獎門人節目，由95年起播出的一系列遊戲節目《獎門人》，至今已26年，相信陪住不少香港人長大，成為觀眾的集體回憶。除了曾志偉這個獎門人，每輯都有不同的獎門，至於獎門人助手就並非每輯都有，好聽就是助手，唔好聽就是獎品妹及阿四，負責執頭執尾。過去做過獎門人助手的小花或小生，都由曾志偉親自揀蟀或有高層推薦，當中不少都是落選港姐，巧合地是有好幾位被曾志偉賞識完都嫁得好可以上岸，而無綫近年力捧的一線小生何廣沛，原來當年都只是獎門人阿四。

撰文：東方新地圖片：新傳媒資料庫

曾志偉炮製拿手節目

曾志偉入主無綫主力搞綜藝與音樂節目，早前他漏口風表示其他獎老亦會陸續出現，暗示他做得最成功的《獎門人》遊戲節目亦有望回歸。過去除了獎門人，大家最關注係邊個有份做獎老，鐵腳錢嘉樂、林曉峰等都各有各忙，王祖藍亦上埋神枱，曾志偉要搵人都唔易，而過去26年曾出現獎門人節目負責幫手執頭執尾的獎門人助手，大家又有冇印象？

1. 00年岑寶兒與羅敏莊

曾志偉 — 印象中阿夢岑寶兒與羅敏莊在這輯獎門人主要做揸lift女郎！

曾志偉 — 岑寶兒是00年的落選港姐，因為參選時經常遊魂傻吓傻吓，所以叫做阿夢，仲畀曾志偉賞識，演出機會唔少。阿夢14年與圈外男友莫如迪（Dickson）結婚，翌年生女，之後就全面淡出娛樂圈做幸福少奶奶。

曾志偉 — 原來唱得之人羅敏莊都做過獎門人助手，啱晒玩得嘅佢。

2. 02年劉若莉

曾志偉 — 02年參選港姐大熱倒灶的劉若莉，憑34D上圍的驕人身材，一落選便獲志偉賞識，在《吾係獎門人》擔任獎品女郎。

曾志偉 — 選港姐時已憑身材搶鏡的劉若莉，當年返電視城試衫準備晚上錄影，見到被分派的神奇女俠裝異常性感，上下身均要真空上陣，一時情緒低落，放下衫說了一句：「我唔著呀！」繼而衝入廁所飲泣。

曾志偉 — 當年曾志偉對劉若莉愛護有加，發生拂袖而去事件後，有傳是曾志偉出面為她擺平件事，不過做完獎品女郎後，劉若莉再冇在無綫有演出。

3. 04年麥子樂

曾志偉 — 麥子樂於02年無綫電視藝員訓練班畢業後加入無綫。由二打六做起，當年在獎門人做大茄，個水手造型都好爆！

曾志偉 — 麥子樂早年在無綫劇《雷霆掃毒》飾演智障人士一角開始受人注目；12年轉投HKTV，15年約滿後加盟英皇電影，佘詩曼是他的契姐。

曾志偉 — 現在已轉投古天樂公司的麥子樂，專注拍電影，與鄭秀文亦非常老友。

4. 08年孫慧雪

曾志偉 — 阿雪孫慧雪當年參加無綫電視第20期藝員訓練班，一畢業便成為《美女廚房》的助手「飯」，更在《頂CUP世界盃晚晚有德FUN》內當過「世界妹」以及在《一擲千金》和《志雲飯局》節目裡擔任千金小姐及助手，08年仲演出過獎門人系列，集集小背心同短裙騷身材。

曾志偉 — 當年只有廿幾歲的阿雪，穿上短裙好青春。

曾志偉 — 孫慧雪16年結婚，丈夫為木材、夾板批發商富二代羅天彥（Edwin Lo），兩人交往六年，17年宣佈懷孕，於7月順利誕下兒子 Riley，一家三口非常幸福。

5. 08年岑潔儀

曾志偉 — 岑潔儀有1/4泰國血統，於2006年參加節目《美女廚房》中的美少女廚神爭霸戰後加入無綫電視成為藝員，08年被安排在獎門人中做獎品女郎。

曾志偉 — 岑潔儀曾與歌手陶喆交往，現任丈夫為馬來西亞富商人Dixon Chin，婚後成功「一索得男」即收老公送將軍澳天晉豪宅作獎勵，18年再生多個仔，母憑子貴。

曾志偉 — 岑潔儀自從嫁給馬來西亞富商Dixon後，常在微博大晒貴氣，例如炫耀其百萬鑽戒、坐私人飛機和外遊坐頭等機位等。14年她買個車位都在微博呻：「有錢無碇使！將軍澳峻瀅130萬買車位。講真真心貴，但自用冇辦法。」15年更發表「別問衫點解咁貴：問為甚麼買不起！」的言論，被網友直指過份炫富。

6. 13年何廣沛與陳華鑫

曾志偉 — 原來何廣沛亦曾做過獎門人的獎品阿四，當時拍檔是落選港姐陳華鑫及譚永浩，何廣沛仲要扮紙紥公仔。

曾志偉 — 何廣沛於11年修畢加州州立大學會計系學士課程後對演藝工作深感興趣，12年決定加入無綫電視第26期藝員訓練班，14年參與劇集《女人俱樂部》而為人熟悉，並受到重用，上位之快，相信很少人記得他曾經在獎門人中做過獎品阿四。

曾志偉 — 當年的獎品女郎與獎品阿四，事隔多年仍是好朋友。

曾志偉 — 陳華鑫參選12年度香港小姐落選，入讀第26期無綫電視藝員訓練班，即被曾志偉睇中加入獎門人做獎品女郎。

曾志偉 — 陳華鑫曾參與多部電視劇，包括《是咁的，法官閣下》、《性在有情》及《誇世代》等，憑清純甜美笑容，一度被宅男捧為「最靚學生妹」。18年她被爆秘嫁生意人周國榮，婚後退出幕前湊女，並成為網紅。

將來還有什麼演唱會值得留意？

有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！

香港有甚麼週末好去處推介？

香港18區都非常值得花時間好好探索，一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞

獎門人曾志偉