曾志偉、何麗全開破冰記者會 星夢歌手疊馬力撐 蔡康年被點名明寸一額汗

撰文：東方新地 圖片：東星圖片、電視截圖

星夢拉大隊撐新老闆

曾志偉入主無綫，余詠珊被削權調職，人事變天令人心惶惶，《音樂永續 樂壇共享》記者會舉行，除曾志偉、何麗全、樂易玲和一班唱片公司代表出席外，更有各大唱片公司旗下歌手現身支持，之前盛傳星夢大地震，歌手人人自危，不過出席記者會的歌手都算齊人，星夢沒有了Herman何哲圖，在周柏豪與菊梓喬帶領下，JW(王灝兒)、戴祖儀、譚嘉儀等都在場，連吳若希都產後復出，不過連詩雅及林穎彤就無影。

曾志偉打破小圈子局面

記者會由蔡康年主持，先由IFPI香港會主席陳志光發表講話，之後有各公司和歌手代表上台，包括有李日朗、黃翊、何弘軒、林欣彤、敖嘉年和迪子等等。其後到曾志偉發言，他先揶揄了主持蔡康年做主持不應該帶稿照讀，指一指蔡康年說︰「作為一個主持就唔應該帶稿嘅！」他又說︰「主席冇辦法，要攞住張紙睇，咁我就以為我自己係職業主持，唔帶依家唔知講乜。」之後曾志偉大概表示希望樂壇百花齊放︰「同香港市民共享音樂係好難得！」又在台上表示要特別介紹一位新人，就是何麗全先生，何麗全上台笑指要叫曾志偉做「曾總」，表示希望多啲歌星參與無綫以後的節目，又踢爆有唱片高層好友太耐冇去無綫而唔識路。最後曾志偉更向星夢歌手大派定心丸，他表示︰「星夢嘅歌手仍然都會上嚟」。