星二代任晴佳、甄濟如鬥青春 坐遊艇出海避疫
廣告
全球抗疫旅遊業嚴重受挫，冇得出國唯有出海抖氣，甄子丹同老婆汪詩詩近月不時招呼好友上遊艇玩，琦琦同囡囡任晴佳都係常客，早前兩家人又一齊出海，焦點落在兩個16歲青春無敵囡囡身上，抓住夏天的尾巴盡情晒。
原文刊於《東方新地》
大長腿搶fo
任達華同甄子丹兩個廿四孝人夫人爸都有前世情人，佢哋嘅囡囡仲同年出世，甄濟如(Jasmine)足16歲，任晴佳(Ella)就12月先生日，日前兩家人與友人一同出海，美少女聚頭並喺IG晒出合照，青春逼人齊騷大長腿，令人睇得賞心悅目。
甄濟如同任晴佳由細玩到大，兩位星二代感情要好，16歲雖然仲未成年，但遺傳咗父母嘅優良血統，兩個都已經亭亭玉立，照片中可以睇到任晴佳著住幼帶連身裙展露高瘦身材；甄濟如就著住短Tee，露出小蠻腰同有肉地身材，兩人白嫩嘅大長腿，都成為焦點所在。
兩代好姊妹
據知年底先夠16歲嘅任晴佳身高已經有175公分，佢同甄濟如都係圈中受注目嘅星二代，又曾登上時尚雜誌，而兩人感情咁好全因媽咪琦琦同汪詩詩都係模特兒出身，而爸爸都係紅星，所以兩家人有唔少共同話題，成日都相約一起出遊玩樂。 雖然咁細個就咁有潛質做星，任晴佳近年仲跟媽咪行天橋，但對於兩位青春少艾嘅未來，雙方父母都認為現階段都係以讀書為主，未來發展都係未知之數，而甄子丹也曾表示：「將來女兒有甚麼打算，夫妻倆都會支持她。」女大女世界，有父母照住，睇路點都易行好多。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
資料或影片來源：原文刊於東方新地
