星二代水著攻略！盡得父母真傳樣靚身材正

原文刊於《東方新地》

林泳 20歲

林海峰與彭羚嘅大女兒林泳，原本喺英國留學，因為受疫情影響而被安排回港避炎，早前被本刊拍到著上三點式去淺水灣享受陽光與海灘。已長得亭亭玉立嘅林泳，一身古銅色肌膚更見青春活力。

Steffi 22歲

圈中人稱「HiFi德」、太極樂隊結他手劉賢德嘅大女Steffi，身材高䠷樣貌出眾，睇佢一身健康古銅膚色，就知佢係陽光系美少女啦！Steffi天生一副model骨架，著起三點式來性感誘人。

苗彤 29歲

苗僑偉與戚美珍嘅囡囡苗彤盡得父母真傳，外在條件自然有番咁上下，當年TVB曾經邀請苗彤參選香港小姐，當時佢話無意行父母嘅演藝路，只想專心發展其攝影事業，不過兩年前苗彤原來靠自己實力進軍美國及加拿大影圈。

鍾嘉晴 25歲 / 鍾懿 16歲

鍾鎮濤與前妻章小蕙所生嘅囡囡鍾嘉晴，與同父異母妹妹鍾懿情同親姊妹，今年25歲生日的鍾嘉晴孖妺妹到沙灘慶祝，16歲卜卜脆嘅鍾懿著上白色比堅尼青春可人，仲比姐姐還要高大㖭！

張敏鈞 22歲

美魔女鍾麗緹嘅長女張敏鈞 （Yasmine） ，是她 與第一任老公所生，濃眉大眼加上天然嘅雀斑，充滿個人魅力，遺傳了媽媽嘅噴血基因。

王曼喜 28歲

王敏德與名模馬詩慧之長女王曼喜（Kayla） ，似足父母 高頭大馬，鬼妹仔性格從不吝嗇好身材，經常喺網上大派福利！

王麗嘉 27歲

王敏德與馬詩慧嘅二女王麗嘉（Irisa） ，同家姐一樣樣靚身材正，上圍比家姐更有睇頭，著上三點式噴血指數爆燈！

胡芷欣 21歲

葉玉卿大女兒「小腰精」胡芷欣，英文名叫Victoria，自小喺美國長大鬼妹仔性格，著三點式晒纖腰豐臀實屬小兒科，同媽媽一樣身材勁到……真係〈擋不住的風情〉呀！

關楓馨 25歲

關禮傑大女關楓馨有樣有身材，早年被TVB睇中力邀參選港姐，但佢話要聽爸爸話，讀完書先會考慮，依家碩士畢業嘞，唔知考慮成點呢？

Hilary 23歲

有「至索星二代」之稱嘅上山詩鈉女兒Hilary，遺傳咗媽媽嘅混血美貌，加上身材勻稱，水著look惹人遐想。

姜麗文 34歲

秦沛個寶貝女姜麗文，早前宣布同拍拖三年嘅圈外工程師男友結婚，卻因受疫情影響被迫延期，睇佢自信大騷泳照，待嫁新娘嘅身形果然fit到漏！

王子涵 30歲

邱淑貞、舒淇、陳煒等都係著名嘅「晶女郎」，不過講到王晶最錫嗰個，一定係真正晶女郎，即係佢個女王子涵。雖然個子不高，但Ccup身材同樣養眼。