方東昇新節目《這麼遠那麼近》新聞王子繼續狂爆金句！｜影視娛樂
唔講唔知，原來外型正正經經的「昇爺」除左「冷面笑匠」，仲係兼癡心情長劍，初戀女友就係老婆！
撰文：東方新地 ｜圖片：新傳媒圖片、《這麼遠那麼近》截圖｜原文刊於：東方新地
方東昇「金句王」
新節目《這麼遠，那麼近》
早於5月，《這麼遠那麼近》已在無綫新聞台播出，每集時間為3分鐘，但方東昇仍日日有驚喜，節目狂爆搞笑金句，從未令觀眾失望。而今次節目就改為一星期5集的30分鐘版，一連十集由8月31日起在翡翠台播出，讓觀眾可以一次過睇足半小時！
最近有集就講到泰國的交通意外問題！泰國車禍死亡率亞洲第一，電單車司機死亡率更是全球第一。
「你可能覺得太誇張，因為係『泰』式廣告」
泰國廣告出名有創意，泰國政府為了宣傳交通安全意識，亦製作了內容看起來誇張的廣告。昇爺就爆出一句「你可能覺得太誇張，因為係「泰」式廣告。」
「我哋敢播你唔一定敢睇，更何況我哋都唔敢播」
太過對於廣告內容方面限制比較寬鬆，因此，血腥／恐怖畫面都可能出現在交通宣傳廣告之中。其中一個泰國廣告就被方東昇笑言「我哋敢播你唔一定敢睇，更何況我哋都唔敢播」對TVB自嘲了一下，認真幽默。
「搭車要帶安全帽，流汗總比留血好」
方東昇亦在節目中響應泰國政府的呼籲，帶起頭盔說道「搭車要帶安全帽，流汗總比留血好。」
「呢個唔係自動波，係『被動波』」
泰國考車牌只需要約港幣$1,600，上課5個鐘就可參加筆試，然後再過3關路試，由報名至考完最快1日就可K.O.。但方東昇在導師指導下體驗了3關路試就以為自己已經Pass路試，調侃自己Pass係因為架車唔係自動波，係「被動波」，科科。
「這麼遠，那麼都係遠」
首兩集走訪重慶時其實已經頻出金句，重慶唔止有著名的「天梯」，仲處處係樓梯。不過唔係每條樓梯都可以行得好似「天梯」咁浪漫。每段樓梯都相當於十層樓高，真係諗下都覺得攰。令昇爺不禁感嘆這麼遠，那麼都係遠。
「呢條長命樓梯，真係長命百二歲都未必行得掂」
食返自己之前的節目名，你係得嘅！
「我哋遇到唔少同路人，同樣迷路嘅人」
重慶的地形十分複雜，因此很容易迷路。不少道路甚至會穿樓，不經不覺就走過重慶森林，重慶石屎森林。
緊握「扶手」
重慶地形特殊，重慶的電梯都長過人。以前唔想行可以坐登山纜車，依家登山改坐扶手電梯。但看見又斜又長的電梯，真係睇到個心都離一離。女士們就要緊握男朋友的「扶手」。
「又要威，又怕坐電梯」
新聞王子擅長搞爛 gag
由新聞主播方東昇做主持的資訊節目《世界零距離》、《世界零距離II》後，無綫再推出過《世界零距離III》，紹一些較偏遠、鮮有港人去旅行的國度，加上方東昇在節目中一改嚴肅形象，旁白方式生鬼有趣，並加入大量搞鬼爛 gag 金句，小編都要叫佢一聲「昇爺」！
「中大才子」 一級榮譽畢業
方東昇節目中的金句為人津津樂道，大受觀眾同網民歡迎，唔講唔知，呢位「爛Gag」主持本人好有料到！方東昇有「中大才子」之稱，98年加入無線新聞部，99年畢業於香港中文大學新亞書院新聞及傳播學系，並以一級榮譽畢業，更獲得新亞書院獎學金最高榮譽誠明獎。為人不但風趣幽默，而且又有內涵，難怪咁出位！
初戀女友變老婆
方東昇在《世界零距離》中搞過「抱得美人龜」呢個食字Gag，而佢本人早在2006年已經「抱得美人歸」，另一半係舊同學主播吳先瑩的妹妹吳先玲，仲係方東昇的初戀情人！方東昇26歲才開始初戀，一個條件咁好的人，之前竟然從未拍過拖，連身邊朋友都難以相信。
話說早年另一主播吳先瑩結婚，同學兼同事的方東昇為婚禮擔任大會司儀，結果就遇上為姐姐做伴娘的吳先玲。方東昇對吳先玲一見傾心，展開猛烈的追求攻勢，例如參加女方的教會聚會，爭取見面機會。最後成功「抱得美人歸」，亦成為了基督徒。
外母早認定方東昇做女婿
作為「才子」的方東昇，原來另一半亦非常厲害，外表斯文的吳先玲係一位運動健將，小六時已加入香港乒乓球代表隊，為港爭光。不過因順從爸爸的意願，所以在中文大學英文系畢業後，就成為了中學老師，任教英文。而吳先玲與方東昇未認識之前，有日吳媽媽在電視上睇到方東昇報道新聞之後，大讚：「這小伙子真不錯，我有這樣的女婿就好了！」結果吳媽媽的願望竟能成真撞正口卦，相信佢一定好鐘意呢個女婿。
方媽媽係才女 徵文比賽奪冠
方東昇除咗對老婆好，仲係一名孝順仔。由於做主播，收入都算穩定，方東昇2000年就決定同媽媽聯名買樓，以268萬買入青衣海欣花園一個單位，婚後仍與母親一齊住。有個「才子」囝囝，方媽媽一定好安慰。不過原來方媽媽都係一名「才女」，同囝囝一樣文筆極好，仲曾經在公開徵文比賽中贏得冠軍，果然係「有其母必有其子」。
方東昇係兩婆媳「共同敵人」
雖然方東昇經常都要周圍飛，做採訪工作。但老婆同媽媽相處非常融洽，冇乜拗撬，令佢非常放心。方媽媽在一篇名為「方老太寫給方太的信」中透露，兩婆媳有共同興趣，鐘意一齊下棋打乒乓波，亦有共同敵人 — 方東昇！方媽媽話方東昇經常掛住工作，唔肯休息，所以兩婆媳就會夾計迫佢唞，好有默契！「才子」方東昇有個好老婆之餘，又有個咁叻咁有才華的媽媽，真係令人羨慕。最緊要係一家人可以相處融洽，無婆媳糾紛，好幸福！
「GAG王」方東昇好笑金句合集
在年前播出的《長命百二歲》第二季，同樣都有精警金句，一齊睇下啦！
1. 世界最大的空間，就是進步空間
和80多歲的長者打網球的方東昇，展現出笨拙的身手，此時他就爆出一句「世界最大的空間，就是進步空間」，自嘲功力一流！
2. 西洋味，不離地
除了有含意的金句外，方東昇亦相當擅長押韻，一句「西洋味，不離地」直頭可以做今季的副題！
3. 再鋒利的刀都有生鏽的一天，再厲害的風車都有停下來的一天
有「中大才子」之稱的方東昇遇著不轉動的風車，當然不會放過講金句的機會！
4. 忘記或許有忘記的好，他的世界不再有煩惱，在雨中也可翩翩起舞
談到失智的長者，他發人深省的金句不但令悲哀的感覺沖淡，更予人一種安慰的感覺，好句好句！
5. 失智事小，失蹤事大
6. 翹埋雙手，就是幫手
7. 有想像力就有生命力
8. 按照世衞標準，45歲或以上先係中年，所以我仲係大好青年。
9. 慢慢嚟唔好急，我哋唔會催人，歲月先有資格催人。
10. 未必人人可以做明星，但只要努力，就有機會做精英。
11. 見到你（李德成）就好似以前馬王『步步友』咁，『步步有力』呀。
12. 室雅何需大，不過如果室又雅又大，可能仲好。
13. 香港人講求唔好急，最緊要快，而台灣人就係「慢慢來，比較快（國語）。
14. 人生七十古來稀，八叔一百都OK。
15. 想食乜可以自己揀，所以食嘅都係開心樂園餐。
16. 有髮不能不「執」，有請執「髮」部門。
作為主持人就咁搞下Gag都未夠，反應力都好重要，轉數快人都醒目啲，就好似方東昇咁，有一集佢去探訪老人院時，負責人表示要老人家唔駛再用約束帶，俾佢地培養自主權，所以過去已燒毀幾千條約束帶。
方東昇第一個反應就係：「好像林則徐燒鴉片一樣。」
撰文：東方新地 ｜圖片：新傳媒圖片、《這麼遠那麼近》截圖｜原文刊於：東方新地
即睇更多：反黑路人甲16-20集劇透｜蔣家旻醋意大發誓言燒死高海寧、張振朗！馮盈盈制服誘惑跳熱舞
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
