新聞女王︱曾志偉幫佘詩曼拉票拎視后 擔心下周收視差：冇呢套劇點算
廣告
TVB台慶劇《新聞女王》昨晚大結局，總經理曾志偉、監製鍾澍佳和一班演員包括佘詩曼、馬國明、高海寧等人齊齊出席在澳門舉行的「結局夜女王終極直播」活動。有份提名視后的佘詩曼，在受訪時坦言未必出席到頒獎禮，又指對封后無信心，更講明最想攞「呢個獎」！
佘詩曼未必出席頒獎禮 無信心封后
時隔9年憑《新聞女王》「Man姐」一角成功入圍今年台慶視后十強的佘詩曼，當被問到會否出席今年台慶時，佘詩曼表示當天原身有工作，雖然會盡量調動行程，但就未必能夠出席到。佘詩曼坦言對自己封后沒有太大信心，更講到明想攞「呢個獎」：「我自己冇（信心）啊，冇一定嘅。（你有冇其他獎想攞？）我真係好希望可以攞「最佳劇集」，希望心想事成，大家要記得投票。」至於被問到同李施嬅一齊入圍一事，佘詩曼就指「是但一個攞都OK」，並表示李施嬅獲獎都會好開心。
曾志偉幫佘詩曼拉票Mark埋下一部劇期
早前曾志偉出席活動時親自開口為佘詩曼拉票，指希望能夠看到佘詩曼三度封后，更表示已經Mark定佘詩曼下一部劇檔期。佘詩曼聽聞後，笑指：「你聽唔聽得清楚，佢係話『希望』啊，哈哈哈。（佢話已經Mark定你期，你有冇應承佢？）都唔知開乜，又唔知幾時開，你聽佢講啦。唉，我幾時有推過佢啊」，似乎有機會能夠再於TVB看到佘詩曼的演出！
佘詩曼樂意再與同班底合作
《新聞女王》由開播到大結局都非常受歡迎，不少觀眾和網民都表示「唔夠喉」。佘詩曼亦表示今次與《新聞女王》班底合作得好開心，亦很樂意再與同班底合作。
曾志偉：下個禮拜冇呢套劇集 收視唔知點算
《新聞女王》有「Man姐」佘詩曼加持，最高收視一度錄得25.1點，成為近年討論度最高的TVB劇集之一，由馮盈盈和丁子朗擔正的劇集《妳不是她》將會緊接《新聞女王》播出。總經理曾志偉昨日在《新聞女王》大結局直播活動現場中，坦言在擔心下個禮拜收視：「頭先我睇到現場個個都拿手巾仔出來抺眼淚，我都抺呀？因為下個禮拜就冇呢套劇集呀，收視唔知點算呀？你知唔知啊？所以喺度抺眼淚。」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
圖片來源：魔方全媒、《新聞女王》截圖、IG@charmaine_sheh、TVB節目截圖、TVB直播截圖、TVB、《她不是她》劇照
