Anson Lo《社內相親》未知會否有激情演出拍親密戲預冇難度認自己「好強」

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會2025一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Apr 30 2023

今日（30日）馬壇盛事冠軍賽馬日，馬會請來陳慧琳（Kelly）及人氣男團MIRROR成員盧瀚霆（Anson Lo）等人以勁歌熱舞為盛事揭開序幕。首度入馬場的Anson Lo在接受傳媒訪問時亦心情大好，仲自爆《社內相親》將有可能有激情演出！

教主 ansonlo anson 早前因拍戲導致右腳受傷的Anson Lo，懶理腳傷出盡力勁歌熱舞。 — 早前因拍戲導致右腳受傷的Anson Lo，懶理腳傷出盡力勁歌熱舞。（圖片來源：東方新地）

Anson Lo自爆自己「好強」拍親密戲冇難度

工作出名拚搏的Anson Lo早前再因拍攝《12怪盜》一場打鬥戲時發生意外，導致右腳受傷。今日帶傷上陣的Anson Lo依然狀態大勇，下台後傳媒朋友們都紛紛關心其傷勢。Anson Lo就回應表示腳傷已經好返好多，感激傳媒朋友關心自己身體狀況。

當有傳媒朋友笑指Anson Lo身子弱的時候，Anson Lo即刻反駁指：「我係易病、易受傷，但唔係弱！我好強！我冇咁健康，但絕對唔係弱，我好強！」之後Anson Lo亦提及到新劇港版《社內相親》中將有可能有親密戲：「唔知道同原版嘅親密程度會去到邊，唔知道會刪減定照keep，咁如果照keep嘅話都OK，I am professional！同埋我好強，所以OK！」，講到自己好強，立即被傳媒追問邊方面很強，Anson Lo即刻回答拍戲方面很強，自己也尷尬用咪牌遮擋尷尬樣，即時笑爆全場。

教主 ansonlo anson Anson Lo被傳媒朋友笑身子弱的時候，Anson Lo即刻反駁話自己「好強！」 — Anson Lo被傳媒朋友笑身子弱的時候，Anson Lo即刻反駁話自己「好強！」（圖片來源：東方新地）

教主 ansonlo anson 勁歌熱舞嘅Anson Lo今日都心情好好 — 勁歌熱舞嘅Anson Lo今日都心情好好（圖片來源：東方新地）

教主 ansonlo anson 大批神徒都有到場支持教主。 — 大批神徒都有到場支持教主。（圖片來源：東方新地）

大爆《社內相親》中飾演總裁對手為陳漢娜

此外，Anson Lo亦透露在新劇《社內相親》中將會飾演總裁角色，對手將會是陳漢娜（Hannah）。不過經紀人花姐同其他身邊朋友都表示不太睇好Anson Lo飾演總裁一角：「不過花姐同身邊其他人都話Picture唔到我做總裁，因為我生活上成日都照顧唔到自己，但我就話俾大家聽，我一定做到。」

教主 ansonlo anson Anson Lo仲大爆自己將會在《社內相親》中飾演總裁，對手為陳漢娜。 — Anson Lo仲大爆自己將會在《社內相親》中飾演總裁，對手為陳漢娜。（圖片來源：IG@hannachanx）

工作忙碌未有時間與姜濤慶祝生日

今日4月30日為姜濤生日，獲姜糖展開連串應援慶祝活動，身為同隊成員的Anson Lo缺表示未有時間與姜濤慶祝生日：「講咗生日快樂，但因為我等陣第二站工作會見到佢，應該會一齊食蛋糕，唱生日歌。但因為我今日全日工作係去到通宵，所以今日就冇時間同佢食餐飯。」

教主 ansonlo anson Anson Lo就話今日工作忙，冇時間同壽星仔姜濤吃飯慶祝。 — Anson Lo就話今日工作忙，冇時間同壽星仔姜濤吃飯慶祝。（圖片來源：IG@keung_show）

開心再遇到陳慧琳曾任對方MV Dancer

出道前曾經為陳慧琳《打自己》MV伴舞的Anson Lo，今日表示很開心能夠再次遇到陳慧琳：「頭先一見到Kelly前輩，佢都話覺得我哋好似Reunion咁，都經過咗五、六年。佢都話覺得我大嗰仔好多，佢都冇諗過我會入呢一行。Kelly好主動地破冰，佢開咗好多Topic去破冰，令到我冇咁尷尬，好感激佢。」