林二汶為紀念盧凱彤、鄭中基為遮蓋當年「愛的紋身」！揭露藝人紋身的背後故事

原文刊於《東方新地》

鄭中基遮蓋蔡卓妍「愛的紋身」

今時今日已變成暖男爸爸嘅鄭中基，有傳其實喺06年因為拍戲與蔡卓妍撻著閃婚。愛得天崩地裂時，鄭中基喺手臂內側紋上大大隻「Charlene」，結果10年離婚後將這「愛的紋身」剷走，重新紋上其他圖案遮蓋。

余文樂紋身為紀念人或事

余文樂嘅紋身遍布全身，每個都係為咗紀念一個人或者一件事，除咗個人品牌Madness同幸運號碼666外，手臂外側仲有經典恐怖電影《閃靈》台詞，又有外婆及姨姨肖像。

張繼聰一家人一條心

13年謝安琪同陳奕迅傳出緋聞，有指張繼聰為咗宣示主權，在右手內側紋上大面積紋身，有「K&J」亦有兒子名字「James」，代表一家人一條心。

樂宜雀鳥圖案突顯好身材

最鍾意晒身材著泳衣，IG 女神樂宜腰間大幅紋身大家一定都唔陌生，雀鳥圖案由臀部包到上近肚臍，構圖巧妙地突顯樂宜嘅好身材。

楊偲泳星球紋身紀念爺爺

腰間有個星球紋身，楊偲泳曾親自解過畫，話2016年爺爺過身後希望紋身留念，將佢永遠帶喺身邊，另外嘅星球及量子圖案，上面帶有爸媽嘅出生日期。

陳柏宇背部大幅紋身

曾經喺演唱會同電影《 喜愛夜蒲 》都show 過背部大幅紋身，陳柏宇原來仲未覺得夠，想紋多個有意思嘅圖案，去紀念自己同太太嘅愛情，不過大男人嘅佢都講定自己紋得、太太唔紋得。

鄭秀文平凡之中尋找不平凡

19年舉行13場演唱會，眼利觀眾發現 Sammi 身上多了不少紋身，Sammi 表示左邊腰間紋身係之前整親腳跑唔到步，放棄咗10年跑步，想勉勵自己而紋，而右邊腰間就係想可以有個唔一樣嘅演唱會，想喺平凡之中尋找不平凡而紋。

杜汶澤源於宗教原因

06年經歷過事業低潮、得罪無數老闆和藝人，杜汶澤從此信奉佛教，為人處事作風亦大變，據悉右手手臂嘅新紋身源於宗教原因。

陳山聰曾為箍女友而紋

12年同何家千金何超雲拍拖時，離離又合合，陳山聰為箍女友，喺右腳小腿紋上代表超雲英文名 Florinda 的F 字愛的紋身，拍拖28個月鬧分手時，山聰亦都親自設計「 28 」圖樣紋身，而腰間紋身是多年前紋的。

陳冠希「經歷過了，感同身受」

Edison 最顯眼的胸前紋身寫上「Been there done that 」，意思係「經歷過了，感同身受」，寓意最低潮時前的感悟，而右臂的「 Hi Mom 」係 紋 畀 媽媽，小腿嘅棕櫚樹就係提醒自己嘅根就喺 LA。

鄭欣宜牡丹花紀念媽媽肥姐

全身有五個紋身圖案，欣宜話每個紋身都有特別意義，其中一個水仙花圖案係為紀念湊大自己嘅外婆，手臂嘅牡丹花就係紀念媽媽肥姐沈殿霞。

林二汶願盧凱彤繼續陪伴自己

林二汶雙臂紋有不少圖案，當中包括於18年組合at17拍檔盧凱彤自殺逝世，二汶就喺手臂紋上日出圖案，代表盧凱彤會繼續陪自己走之後嘅路。

盧巧音第一個紋身象徵自己接觸音樂的頃刻

盧巧音同Kolor主音老公蘇浩才（Sammy） 一樣深愛紋身，炸遍全身 上下，話紋身一樣係夫妻間嘅共同語言。Candy話第一個紋身象徵自己接觸音樂的頃刻，手臂上亦有紋下中華白海豚，紀念自己曾經為白海豚寫歌。