25歲戴祖儀拍《刑偵日記》眼乾喊唔出 感激小紅姐教路落手谷眼淚
原文刊於《東方新地》
戴祖儀拍《刑偵日記》感激小紅姐教路
現年25歲的戴祖儀不經不覺出道已有兩年，日前她和一眾星夢歌手一同出席選秀比賽活動時，透露自己並非選秀節目出身，而是在畢業後上載唱歌片段到社交平台，之後得到老闆何哲圖賞識邀請到公司面試，她表示：「當時係由父母陪我去面試，覺得自己好符碌，好彩咁快入到行。」
戴祖儀入行以來第二次拍劇，她笑言對住前輩不敢NG，所以在拍攝前一定要先背好對白。她更表示從小紅姐身上獲益良多：「有場戲我喊到眼乾，小紅姐親自幫我吹對眼，話咁樣可以濕潤啲，佢真係一個好好嘅前輩！」
《刑偵日記》惠英紅、王浩信演精神病患母子
惠英紅透露她和王浩信將在劇中飾演一對同樣患有精神問題的母子，她說：「我個角色有嚴重嘅精神分裂，最難係要處理我嘅情緒，每一場都要好用心神同心力去演，好攰、好辛苦，啲情緒時低時高，好似跳晒掣咁，仲攰過我拍打戲！」其中一幕她更會發癲打王浩信，她笑言：「 今次算係我拍戲以嚟最難嘅一次，浩信有三個人格，我就起碼有五、六個，對住三個仔有三種態度，所以我每日開工前都會問浩信『 你係邊個仔？』」
感情戲七國咁亂！袁偉豪食連詩雅、戴祖儀
TVB劇一向離不開錯綜複雜的感情戲，今次袁偉豪將扮演一名精神科醫生，並周旋在連詩雅和戴祖儀之間。王浩信又和黃智雯、王敏奕有感情戲，黎諾懿和王敏奕又曖曖昧昧，果然是「貴圈真亂」啊。
